@zinnwenyunt4: အရှိန်အဝါဆိုတာ စိတ်ဝိဉာဉ်တစ်ခုသာဆို နာမ်စိတ်အရှိန်ဖြင့် လူသားတို့ အသိ တည်ရှိနေသရွေ့တော့ ခန္တာကိုယ်က တည်ကြက်အနေနှင့် ကွယ်ပျောက်ရိုး ထုံးစံမရှိ။ မန်ဒါ‌လေရဲ့ အရှင် ရဘက်ကာ ထိုသူသည် ဤကမ္ဘာမှ ခန္တာနိဂုံးချုပ်ခဲ့သည်မှာ အချိန်ကာလ အခိုက်အတန့်အားဖြင့် ကြာညောင်းခဲ့သော်ငြား သူမ၏ ဩဇာ၊ အရှိန်အဝါ၊ စိတ်ဝိဉာဉ်သည်ကား လတ်ဆတ်နေဆဲ ဩဇာညောင်းနေမြဲ။ ခြံအဝင် ဂိတ်တံခါးမှ အစ ပင်လယ်ဝမှ ပိုင်ဆိုင်မှု အဆုံး သူမ၏ အငွေ့အသက်အောက် ကျန်သူများက သက်ပြင်းပင် ဝဝမျှ မရှိုက်ရဲ။ ကန့်လန့်ကာ အရောင်မှ အစ အခန်း ဖွဲ့စည်းပုံအဆုံး သူမ စိတ်တိုင်းကျ တစ်လက်မမျှမရွေ့ စီမံထားနိုင်ဆဲ။ ထိုသို့ ထိုသို့သော ရှင်သန်ကျန်ရစ်ဆဲ သူမ၏ အရိပ်အယောင်တွေအောက် အမှတ်မထင် ဝင်ရောက်လာသော အသက်၂၁နှစ်အရွယ် သာမန်လူလတ်တန်းစားလို့တောင် မဆိုသာတဲ့ စိတ်ထားနူးညံ့ပြီး ဖြူစင်တဲ့ နှလုံးသားအရိုးခံနဲ့ မိန်းကလေး။ ရုတ်ချည်းဆိုသလို သူ့ထက် အသက်၂ဆကြီးတဲ့ အထက်တန်းလွှာကျကျ ဟိတ်ဟန်ကြီးမားလှတဲ့ "မန်ဒါလေ" စံအိမ်ရဲ့ အိမ်ကြီးရှင် မာစတာ ဒီဝင်းတား(အမျိုးသမီးသေဆုံးထားသော)နှင့်တွေ့ဆုံပြီးချိန်မှာ မတူညီတဲ့ ကာလာနှစ်ခု ရှင်းရှင်းကြီးဆန့်ကျင်နေတဲ့ Background၂ခုရဲ့ မရ အရ ဆွဲစိလိုက်တဲ့ အခိုက်မှာ- -- -- - "မန်ဒါလေ"ဆိုတဲ့ စံအိမ်ကြီးက အိမ်ကြီးရှင်မ အသစ်ကို ဘယ်လိုအရာတွေနဲ့ စောင့်မျှော်နေမှာလဲ? ? ? အသက်၂၁ဝန်းကျင် အမျိုးသမီးလေးတစ်ယောက်အနေနဲ့ ကြီးမားတဲ့ ပြောင်းလဲမှုကြီးကြုံတွေ့ချိန်မှာ စိတ်လှုပ်ရှားမှုတွေက ကြောက်ခမန်းလိလိ အချိန်အတော်များများဟာ သူ့ရဲ့ ပတ်ဝန်းကျင်ကိုပဲ ပုံဖော်စိတ်ကူးရင်း နေရာပေးမှုများသွားပြီး သူ့ရဲ့ ဖြစ်တည်မှု အနေအထားဟာ ဝင်ဆံ့ခြင်းမရှိတော့ဘဲ ပထမ စံအိမ်ရှင်မကြီး ရဘက်ကာရဲ့ လောင်းရိပ်အောက်မှာပဲ သူ့ရဲ့ ပင်ကိုယ်စရိုက်တွေ ပျောက်ဆုံးလုနီးပါးအဖြစ်။ ။ ။ သက်ရှိအဖြစ်သာ တည်ရှိမှုရယ် မပြောသာပေမယ့် တဇာတ်လုံးကို ထိန်းကွပ်သွားတာက သူပါ ရဘက်ကာ။ ထိုခေတ် ထိုအခါက အရှိန်အဝါကြီးမြတ်လှတဲ့ "မန်ဒါလေ" By🌹Z🍀

There are no more comments for this video.

To see more videos from user @zinnwenyunt4, please go to the Tikwm homepage.