🚔 POOLISII BULCHIINSA MAGAALAA BAATUU 🚔 📍 Godina Giddugaleessa Oromiyaa 📢 IJAARSA RIFORMII FI CIMSUU HOJII NAGEENYAA IRRATTI MARIIN GAGGEEFFAME Guyyaa: 16/02/2019 A.L.I. Qajeelcha Poolisii Bulchiinsa Magaalaa Baatuutti, Ijaarsa Riformii fi Fooyya’iinsa Hojii Nageenyaa irratti xiyyeeffachuun, Hoggaanaa Kutaa Ol’aanaa Qorannaa Yakkaa ta’uun gara qajeelchaatti dhufan Komandar Boodanaa Haata’uun , qondaltootaa fi miseensota poolisii waliin erga wal-barsiisanii booda mariin bal’aan gaggeeffameera. Marii kana irratti, Hoggaanaan Qajeelcha Poolisii Bulchiinsa Magaalaa Baatuu, Komishinara Tarikuu Laggasaa, haala yeroo ammaa nageenyaa wajjin walqabatee hanqinoota hojii keessatti mul’atan irraa barachuun, gara fuulduraatti hojii nageenyaa bu’a qabeessa, saffisaa fi milkaa’aa ta’e raawwachuuf kallattii hojii bal’inaan kaa’aniiru. Waltajjii marii kana irratti yaadota ijoo fi kallattii hojii gara fuulduraa ta’an irratti mariin bal’aan taasifameera. 📌 YAADOTA IJOO MARII KANAARRATTI KA’AN 🔹 1. Of-eeggannoo fi Ittisa Nageenyaa Cimsuu Haala nageenyaa yeroo ammaa jiru hubachuun, of-eeggannoo olaanaa gochuun, odeeffannoo nageenyaa walitti qabuun fi balaa nageenyaa uumamuu danda’u dursee ittisuuf xiyyeeffannoon hojjechuun barbaachisaa ta’uun ibsameera. 🔹 2. Qindoomina Hojii Cimsuu Qaamolee nageenyaa fi qaamolee dhimmi ilaallatu gidduutti qindoomina hojii cimaa uumuun, hojii nageenyaa bu’a qabeessa taasisuuf murteessaa ta’uun irratti mari’atameera. 🔹 3. Haala Wal-qunnamtii Fooyyessuu Hoggansa, qondaltootaa fi miseensota poolisii gidduutti wal-qunnamtii iftoominaa fi amanamummaa qabu cimsuun, rakkoolee hojii keessatti uumaman saffisaan furuuf xiyyeeffannoo kennuun barbaachisaa ta’uun ka’eera. 🔹 4. Komiiwwan Uummataa Yeroon Deebisuu Komiiwwan uummataa irraa dhiyaatan xiyyeeffannoon dhaggeeffachuun, yeroo isaa eeggatee deebii quubsaa kennuun fi rakkoolee uummataa furuun amanamummaa uummanni poolisiif qabu cimsuun akka barbaachisu ibsameera. 🔹 5. Hirmaannaa Uummataa Cimsuu Uummanni nageenya naannoo isaa keessatti abbummaa akka qabaatu, odeeffannoo barbaachisaa akka qooddatuu fi hojiiwwan nageenyaa keessatti gahee isaa akka bahatu hubannoo uumuu fi hirmaannaa isaa cimsuun barbaachisaa ta’uun irratti mari’atameera. 🔹 6. Itti Gaafatamummaa Hoggansaa fi Miseensotaa Guddisuu Hojii nageenyaa keessatti itti gaafatamummaa hoggansaa qofa irratti osoo hin daangessin, miseensi hundi gahee fi itti gaafatamummaa isaa sirnaan bahachuun hojii bu’a qabeessa akka raawwatamu taasisuun irratti xiyyeeffatameera. 🔹 7. Tajaajila Poolisii Hawaasaa Cimsuu Tajaajila poolisii hawaasaa irratti hubannoo uummataa dabaluun, uummata waliin hariiroo gaarii uumuun, rakkoolee nageenyaa waliin mari’achuun fi uummata hojii nageenyaa keessatti hirmaachisuun akka barbaachisu yaadachiifameera. 🎯 KALLATTII HOJII GARA FUULDURAA Waltajjii marii kana irratti qondaltootaa fi miseensonni yaada isaanii bilisaan kaasuun, hanqinoota hojii keessatti mul’atan irraa barachuun, furmaata waaraa irratti hojjechuu fi tarsiimoo hojii nageenyaa gara fuulduraa milkeessuuf marii bal’aa gaggeessaniiru. Dhumarrattis, Komishinara Tarikuu Laggasaa, yaadota marii irratti ka’an irratti hundaa’uun, nageenya uummataa mirkaneessuuf of-eeggannoo cimsuu, qindoomina hojii guddisuu, komiiwwan uummataa yeroon deebisuu, itti gaafatamummaa dhuunfaa fi garee guddisuu, akkasumas hirmaannaa uummataa cimsuun hojiiwwan xiyyeeffannoo itti kennamuu qaban ta’uu hubachiisaniiru. 🤝 Nageenyi bu’uura misoomaa, tasgabbii fi guddinaati! 👮‍♂️ Poolisiin hawaasaaf; hawaasnis nageenya isaatiif! 💚 Nageenya mirkaneessuuf qindoominaan haa hojjen nu! #PoolisiiMagaalaaBaatuu #IjaarsaRiformii #CimsuuHojiiNageenyaa #PoolisiiHawaasaa #HirmaannaaUummataa - @shambe1300