أصعب صدمة إنك تكتشف خيانة أكثر شخص حبيته، الشخص اللي كنت تشوفه مختلف عن الكل، وتعطيه ثقتك وقلبك وأمانك، وما كنت تتخيل يوم إنك بتكون واحد من الأشخاص اللي يوجعهم بيده. تكون طول هالفترة تشوفه بنظرة مختلفة، تدافع عنه وتلتمس له الأعذار وتصدق كلامه لأنك ما كنت تتوقع منه السوء، لين تجي لحظة تكتشف فيها حقيقة تغيّر نظرتك لكل شيء. وقتها ما تنصدم من الخيانة وبس، تنصدم من نفسك، من ثقتك، من كل مرة صدّقت فيها كلامه، ومن كل موقف كنت تشك فيه ثم أقنعت نفسك إنك تبالغ لأنك تحبه. والأصعب إنك تبدأ تتذكر تفاصيل كنت تشوفها عادية، وتصير تتساءل كيف قدرت تثق بشخص كان يخفي عنك كل هذا. تحس إنك ما خسرت الشخص اللي تحبه فقط، بل خسرت الصورة الجميلة اللي كنت راسمها له في بالك، والذكريات اللي كنت تعتقد إنها صادقة، والأمان اللي كنت تحس فيه وأنت معه. ويمكن أكثر شيء يوجعك إن مشاعرك ما تختفي بمجرد ما تكتشف حقيقته، لأن قلبك يحتاج وقتًا عشان يستوعب الشيء اللي عقلك فهمه من أول لحظة. وهنا تعرف إن مو كل شخص تحبه يستحق حبك، وإن مو كل شخص تعطيه الأمان يعرف يحافظ عليه، وإن أقسى الخيبات هي اللي تجيك من إنسان كنت تستبعده عن كل شيء سيئ، لين اكتشفت إنه كان آخر شخص تتوقع منه هالشيء.#حزن #explore #هواجيس #foryou #fyp - @r1849181