@sogdianmedia: Сирояти 15 кӯдак аз дарди меъдаю руда кӯдакистони Хуҷанд: шарҳи табибон Дар кӯдакистони № 35-и Хуҷанд, тарбиятгирандагон ба таври гурӯҳӣ ба бемории шадиди меъдаю рӯда гирифтор шудаанд. Бино ба иттилои дарёфтии “Суғдиён Медиа”, ин ҳодиса рӯзи 19 ба 20 октябр рух додааст. Дар пайи ин ҳодиса дастикам 15 тарбиятгиранда бо нишонаҳои ҳарорати баланд, қайдкунӣ ва дарунравӣ ба беморхонаи сироятӣ муроҷиат кардаанд. Табибон ба атфол, сирояти шадиди медаю рӯда ташхис гузоштанд. Ин хабарро дар Маркази назорати давлатии санитарию эпидемиологии Суғд тасдиқ карда гуфтанд, ки баъди муоина ва табобати зарурӣ кӯдакон ба хонаҳояшон рухсат шуданд. Табибон изҳор намуданд, ки бо гирифтани табобати аввалия, вазъи саломатии ҳамаи кӯдакони муроҷиаткарда беҳ шуда ва эҳтиёҷ ба бистарӣ кардани ҳеҷ кадоми онҳо боқӣ намондааст. Масъулони идораи беҳдоштӣ, ҳоло вазъи эпидемиологӣ дар кӯдакистон № 35 ро муътадил арзёбӣ карданд. Бо ин вуҷуд, идораи санитарию эпидемиологӣ барои ошкор кардани манбаи сироят, дар кӯдакистон, ғизо, бозичаҳо ва ҳуҷраҳоро ташхис кардааст. Қарор аст, натиҷаҳои ниҳоии ташхис, пагоҳ 27 октябр тадқиқ хоҳад шуд. Кӯдакистони № 35 дар маҳаллаи Мевағул, дар микроноҳияи 13-уми шаҳри Хуҷанд ҷойгир аст. Ин боғча 400 кӯдакро ба тарбия фаро гирифтааст. #суғдиёнмедиа #хуҷанд #сэс #садик

Суғдиён-Медиа

Open In TikTok:

Region: TJ

Monday 26 October 2026 17:01:06 GMT