@wolf____spirit: Қызылордада 14 жастағы жасөспірімнің қазасы қоғамда үлкен резонанс тудырды. Марқұмның туыстарының айтуынша, күдікке ілінген бала небәрі 13 жаста, деп хабарлайды Qaz365.kz. Осы жағдайға заңгер Темірлан Медеуов пікір білдірді. Оның айтуынша, Қазақстан заңнамасына сәйкес, жекелеген ауыр қылмыстар үшін қылмыстық жауапкершілік 14 жастан басталады. Сондықтан күдікті шынымен 13 жаста болса, ол қылмыстық жауапкершілікке тартылмайды және бұл қылмыс үшін бас бостандығынан айыру жазасына кесілмейді. «Соңғы уақытта жаңалықтардан жас жігіттердің түрлі жанжалдарға қатысып, оның соңы адам өлімімен аяқталып жатқанын жиі көріп жүрміз. Меніңше, жауапкершілікті күшейту үшін ҚР Қылмыстық кодексінің кейбір баптары бойынша қылмыстық жауапкершілік басталатын жасты қайта қарап, төмендету қажет», – деді Темірлан Медеуов. Заңгердің пікірінше, кәмелетке толмағандар арасындағы зорлық-зомбылық оқиғаларын ескере отырып, қылмыстық жауапкершілікке тартылатын жас шегін қайта қарау мәселесі өзекті. Ал марқұмның туыстары істің объективті тергелуін және оқиғаға қатысы бар барлық адамның әрекетіне әділ құқықтық баға берілуін талап етіп отыр. Қазір қылмыстық істі тергеу барысы Қызылорда облысы Полиция департаменті басшылығының ерекше бақылауына алынған. Еске салайық, қайғылы жағдай Қызылорданың орталық алаңында болған. Марқұмның әпкесінің айтуынша, жасөспірімдер арасындағы жанжалға 1000 теңге себеп болған. Жанжал кезінде 13 жастағы жасөспірім 14 жастағы Нұрисламбектің жүрек тұсына бұрауыш сұққан деген болжам айтылып отыр. Алған жарақатынан Нұрисламбек көз жұмған.#закон #рек #🔄 #мир #🌏

🐺 𝖂𝖔𝖑𝖋 𝕾𝖕𝖎𝖗𝖎𝖙

Open In TikTok:

Region: KZ

Monday 26 October 2026 17:15:21 GMT