طروني ليك يا الحوت 💔🥹 ياخ يا محمود إنت عارف عملت فينا شنو في أغاني بنسمعها ونقفلها ونمشي وفي أغاني زي طروني ليك أول ما تبدأ بتحس إنك رجعت سنين لورا وافتكرت ناس وأيام وحاجات كنت فاكر الزمن خلاك تنساها يا حواتة والله الحوت ده قصتو ما قصة فنان غنى ومشى الحوت بقى جزء من حياتنا وذكرياتنا بقى صاحبنا في اللحظات البنبقى فيها مبسوطين وفي اللحظات البنبقى فيها تعبانين وما قادرين نحكي الحاصل جوانا مرات بتكون قاعد برااك وتسمع صوتو تلقى قلبك اتغير وعيونك سرحت بعيد وما عارف مالك لكن جواك في حاجة اتحركت ياخ يا محمود إنت مشيت لكن خليت لينا صوت كل ما نسمعو بنحس إنك لسه قريب مننا والله في حواتة كتار عندهم حكايات مع أغانيك ما بقدروا يحكوها لأي زول لكن أول ما الأغنية تشتغل كل الحكاية بترجع قدامهم كأنها حصلت أمبارح ربنا يرحمك يا حوت ويغفر ليك ويجعل مثواك الجنة يا حواتة نحنا ما بنسمع محمود ساكت نحنا بنعيش معاهو ذكريات عمر كامل ❤️‍🩹 قولوا لينا يا جماعة منو أول زول بتتذكروهو لمن تسمعوا طروني ليك 🥹💔 الحوت باق فينا ❤️ #محمود_عبدالعزيز #الحوت #اغاني_سودانية #السودان #fyp - @ahwtttmb0vo