@h.p.cdoe.doe: တကယ်တော့ ကိုယ်လည်း သိပါတယ်။ ပြန်သွားလို့ မဖြစ်တော့ဘူးဆိုတာ ပြန်ရခဲ့ရင်တောင် အရင်လို ပြန်မဖြစ်နိုင်တော့ဘူးဆိုတာ။ လူတွေက အရင်လူတွေ မဟုတ်တော့ဘူး။ အချိန်တွေကလည်း အရင်အချိန်တွေ မဟုတ်တော့ဘူး။ ကိုယ်တိုင်တောင် အဲ့ဒီအချိန်တုန်းက ကိုယ် မဟုတ်တော့ဘူး။ ဒါပေမယ့် တစ်ခါတလေတော့ ဘာရယ် မဟုတ်ပဲ  သတိရမိတယ်။ ရင်းနှီးဖူးတဲ့ အသံတစ်သံ အတူညည်းဖူးတဲ့ သီချင်းတစ်ပုဒ် အတူထိုင်ခဲ့ဖူးတဲ့ နေရာတစ်ခု… ဘယ်လောက်ပဲ ကြာခဲ့ပါစေ ဘယ်လောက်ပဲ အဆုံးသတ်သွားခဲ့ပါစေ အဲ့ဒီနေ့ရက်တွေဟာ ကိုယ့်ဘဝထဲမှာ တကယ်ဖြစ်ခဲ့ဖူးတာပဲ။ တစ်ခါတုန်းက တစ်ယောက်ယောက်ရဲ့ ရှိနေခြင်းကို ကိုယ့်ဘဝမှာ အရမ်းအရေးကြီးတယ်လို့ ထင်ခဲ့ဖူးတယ်။ သူ့ဆီက စကားတစ်ခွန်းကို တစ်နေ့လုံး စောင့်ခဲ့ဖူးတယ်။ သူနဲ့အတူ ရှိနေရတဲ့ အချိန်လေးတွေကို သာမန်နေ့ရက်တွေထက် ပိုပြီး တန်ဖိုးထားခဲ့ဖူးတယ်။ အခုတော့ အဲ့ဒီအရာတွေက ကိုယ့်လက်ထဲမှာ မရှိတော့ဘူး။ ဒါပေမယ့် မရှိတော့တာနဲ့ မရှိခဲ့ဖူးသလိုတော့ မညာချင်ပါဘူး ။ အတိတ်ဆိုတာ ပြန်သွားလို့ရတဲ့ နေရာတစ်ခု မဟုတ်ပေမယ့် ကိုယ့်မှာ  ဘယ်လိုအရာတွေ ဘယ်လို လူတွေ ရှိခဲ့ဖူးတယ်ဆိုတာတော့ ပြန်ပြောပြပေးနေတဲ့ နေရာတစ်ခုတော့ မဟုတ်လား ။ ဒါမို့ ကိုယ့်ကိုယ်ကို မတားတော့ဘူး။ လွမ်းရင် လွမ်းနေလိုက်တယ်။ သတိရရင် သတိရနေလိုက်တယ်။ ဒါပေမယ့် ပြန်လိုချင်လို့လားဆိုတော့ မဟုတ်ပါဘူး။ ကိုယ်က အခုဘဝနဲ့အတူ ရှေ့ကို ဆက်လှမ်းနေတယ်။ အရင်ကလို မဟုတ်တော့တဲ့ ဒီနေ့ရက်တွေထဲမှာ ကိုယ့်အိပ်မက်တွေဆီကို ကိုယ့်ခြေလှမ်းတွေနဲ့ပဲ ဆက်လျှောက်နေတယ်။ တစ်ခါတလေ နောက်ကို ပြန်ကြည့်မိတဲ့အခါ “ကိုယ်တို့ အတူရှိခဲ့ဖူးတယ် " လို့ တွေးမိတယ်။ ပြီးတော့ အဲ့ဒီအတွေးကိုပဲ တိတ်တိတ်လေး ထားလိုက်တယ်။ မပိုင်တော့တဲ့အရာကို ပြန်မတောင်းတော့ဘူး။ ပျောက်သွားတဲ့အရာကိုလည်း အတင်းပြန်ရှာ မနေတော့ဘူး ။ ရိုးရိုးသားသား လွမ်းမောမိရုံပါပဲ ။ ပြီးတော့.. သတိရတယ်ဆိုတာ ပြန်လိုချင်လို့ မဟုတ်ရပါဘူး။ တစ်ချိန်က ကိုယ့်ဘဝထဲမှာ တကယ်ရှိခဲ့ဖူးတယ်ဆိုတဲ့အကြောင်းကို ကိုယ့်စိတ်ထဲမှာ တိတ်တိတ်လေး အသိအမှတ်ပြုနေမိတာလောက်ပဲ။ #creatorsearchinsightsview #fyp #foryou #crd #DoeDoe😔😔🥀🥀

H.P.C-Doe Doe🕺🕺

Open In TikTok:

Region: MM

Monday 26 October 2026 19:12:48 GMT