@overthinking6114: «كم راتبك الحقيقي؟». حاولت أتهرب وقلت: «وش هالسؤال؟ أنتِ عارفة راتبي». دفعت الأوراق باتجاهي وقالت: «لا، واضح إني ما أعرفه». كانت قد حصلت على نسخة من مستندات الدخل المطلوبة، واكتشفت إن راتبي أكثر بثلاثة أضعاف تقريبًا من المبلغ اللي كنت أقوله لها. جلست قدامها وحاولت أشرح: «أنا ما كنت أبي أضيّع الفلوس. كنت أبي أجمع مبلغ للمستقبل، وأضمن إن عندنا احتياط لو صار شيء». قالت: «وأنا؟ أنا طول هالسنين كنت أحسب إننا ما نقدر نعيش إلا بالكاد، وأنت تجمع فلوسك لحالك؟». قلت لها إن الفلوس ما راحت، وإنها موجودة بحسابي. ردت علي بكلام ما قدرت أنساه: «تدري وش أكثر شيء قهرني؟ مو إنك خبّيت فلوسك عني. اللي قهرني إني كنت أحرم نفسي من أشياء أحتاجها، وأقول لنفسي إن ظروفنا صعبة، وأنت كنت تقدر تخليني أعيش بكرامة من غير ما أطلب منك كل مرة». حاولت أمسك يدها، لكنها سحبتها. قالت: «أنا يوم كنت أقول لك إن ولدي يحتاج حذاء، ما كنت أختبرك. ويوم كنت أقول لك إني تعبانة وما أقدر أشتري دوائي، ما كنت أطلب رفاهية. كنت أحسب إن هذا وضعنا الحقيقي، وكنت أتحمل معك». ثم سألتني: «لو كنت مكاني، وكنت تكتشف إن الشخص اللي تثق فيه خلاك تعيش بهالطريقة وهو قادر يغيّر كل شيء، وش كنت بتسوي؟». ما عرفت أرد. في الأيام اللي بعدها، حاولت أصلّح الوضع. عرضت عليها أفتح حساب مشترك، وأحوّل جزءًا كبيرًا من راتبي له، وأخليها تشوف كل التزاماتنا ومدخراتنا. لكنها قالت لي: «المشكلة مو وين نحط الفلوس. المشكلة إني ما عاد أعرف متى تقول لي الحقيقة ومتى تخبي عني شيء». بعد أسبوع، راحت عند أهلها وأخذت ولدنا معها. كنت أتوقع إنها بترجع بعد كم يوم، وإن الموضوع بيهدأ مثل أي خلاف صار بيننا من قبل. لكن هالمرة كانت مختلفة. صارت تطلب مني نتواصل عن طريق مستشار أسري، وقالت إنها تحتاج وقتًا تفكر إذا كانت تقدر تكمل معي أو لا. ولأول مرة، استوعبت إن المبلغ اللي كنت أجمعه عشان أضمن مستقبلنا، ممكن يكون السبب في خسارة عائلتي. بعد شهر، جلست معها في جلسة المصالحة. قلت لها إني مستعد أتنازل عن جزء كبير من مدخراتي لصالح الأسرة، وإنها من اليوم بتكون شريكة في كل القرارات المالية. قالت: «أنا ما أبي فلوسك عشان أرجع. أبي أعرف إذا كنت فعلًا فهمت وش سويت فيني». وسكتت لحظة، ثم قالت: «أنت خليتني أعيش 4 سنوات وأنا أحسب إن كل ريال أصرفه لازم أبرره، وإن أي شيء أشتريه لنفسي ممكن يكون على حساب عيالي. حتى لما كنت أتعب، كنت أخاف أطلب منك فلوس للعلاج. كيف تبي مني أرجع أثق فيك بشهر واحد؟». ما كان عندي جواب يقدر يصلّح اللي صار. إلى اليوم، أنا أحاول أستعيد ثقتها، لكني فهمت إن الاعتذار وحده ما يكفي، وإن توفير الفلوس للعائلة ما يعني إنك تعيش شريكك في خوف وحرمان عشان تجمعها. أنا كنت أقول لنفسي إني أحمي مستقبلنا، لكني نسيت إن زوجتي كانت تعيش معي في الحاضر. والمشكلة الأكبر إني كنت أملك القدرة إني أخفف عنها، واخترت أخليها تتحمل لحالها. #creatorsearchinsights #creatorsearchinsights2025 #fypシ #المملكة_العربية_السعودية #trendingvideo

Nawaf Mohammed ⚖️ :

الظلم مو بس إنك تحرم زوجتك من الفلوس الظلم إنك تخليها تعيش في ضيق وهي تحسب إن هذا أقصى ما تقدر عليه وأنت عندك ضعف المبلغ وأكثر 💔 أربع سنوات وهي تتنازل عن راحتها واحتياجاتها عشان بيتها وولدها وأنت تتنازل عن الصدق عشان تحتفظ بفلوسك لنفسك الزوجة ما تبي راتبك كله لكنها تستحق الصراحة والشراكة والأمان وأصعب شيء إنك تكتشف إن الشخص اللي ضحّى عشانك كان يستحق منك الصدق قبل أي شيء ثاني والفلوس اللي وفّرتها ممكن تعوّضها لكن الثقة إذا انكسرت ما ترجع بسهولة

يونيو :

ف الوضع هذا ١٧سنه ، وكلمه اختصرها انتي مالك دخل ب اي شي يخصني وراتبي لي ، لك فقط الحاصل ، أعجبك والا مع السلامه ، والله العظيم الذي لا إله إلا هو لو بيني وبينه بس هذي الحروف من كلمته ماسامحته ، لاني حرفيا ماعندي دخل ولا بيت ولا شي ويتيمه وهو عارف كل هذا الشي ، صعب جدآ ويجرح انك تشارك شخص وتأمنه على جسدك ونفسك وصحتك وكل شي ومايثق فيك ، تحس انك ولا شي ، سأل الله ان يقلب ردئي من الفقر ويغنيني ويسخر لي الأرض ومن عليها وما احتاجه ، قولوا امييييين ، احتاج كل من في الأرض يدعي لي

Sawsan✨ :

هذا درس عشان الوحده ماترحم زوجها حتى لو راتبه الفين

أبو محمد الغامدي :

الحمد لله مسلم الخيط والمخيط لزوجتي وهي المسؤوله عن الأمور الماديه

8zii99 :

يحتفظ بالفلوس لنفسة🫠

شهريه :

كلامها هذا ( المشكلة إني ما عاد أعرف متى تقول لي الحقيقة ومتى تخبي عني شيء ) قوي واثر فيني وانا مالي دخل فقدان الامان والثقه والخذلان بشخص كانت تثق فيه وتستأمنه وتصدقه … يمه يارب لا تفجعني ولا تكسر قلبي باحد وثقت فيه وستأمنته وصدقته 💔 اذا انكسروا الامان والثقه وحضر الخذلان تعتبر العلاقه انتهت حتى لو استمروا عايشين مع بعض

So ? :

شلون الرجال كيذا معقوله مافي احساس وليش تهمهم الفلوس مررره💔💔💔

leole.love :

للامانه مدري ايش اكتب نفس ماسوا ابو عيالي لا والاسوأ كان ياخذ راتبي وانا اقول معليش بنت الاصول لازم توقف مع زوجها وماتتركه ف محنته ل حاله وف الاخير طلع كله استغلال واستغفال وكذب حسبي الله ونعم الوكيل بس

🫥 :

اكره الاستغفال

Nweran.22 :

الله يغنيك من واسع فضله ولا يحوجك لاحد

هوبـآ :

حيبي الله ونعم الوكيل

بتـيل 💜🧸 . :

بكيت لان نفس الشعور عشته! عشت شعورها كان يخبي ويقول التزامات ومايكفي وحقيقي صرت ماشتري معه شي عشان راتبه دوبه يكفي الالتزامات الاساسيه ، توظفت وبديت ارجع اهتمامي الاول ومشترياتي وماجاز له؟ اصر اطلع من الوظيفه وتمشكلت مع دوامي وانهيت عقدي وبعدها اكتشفت ان شاري له مرسيدس كاش من المبالغ اللي كان يشيلها ع اساس يشتري فيها بيت لنا وصار يشتري دراجات وكالة هايبوزا وغيره! وانا؟ ووضعنا ؟ وابسط اشيائي عرفت انه صار يحب نفسه ويعيش لنفسه ، سحبت نفسي من حياته خلعته وخليته يكمل حب نفسه بنفسه ورجعت لنفسي وصار عندي زي العقده من المال في اني ماحرم نفسي شي الشعور يقهررررر يقهرررر

سبحان الله وبحمده🍃 :

اللي يظلمون زوجاتهم مافكر لو مره هي كيف تحاول تسعده وتكسب رضاه واذا جاتها فلوس من اهلها اول ماتفكر فيه قبل نفسها مافكر فيها بس همه الفلوس وجمعها تراك عشانها وعشان عيالك تكرف وتشتغل ابي اذكركم ان هناك قنطره قبل دخول الجنه مايعبرها الا اذا سامحوك العباد اللي انت ظلمتهم واخطيت عليهم

خالد :

من واقع تجربة دامك مو حارمها شي لا تقول لها كم راتبك ولا كم رصيدك ..

sh1994 :

نفس اللي كان عندي حسابكم عند الله عسير كان يقول راتبي مايبقى منه الا٧ وعند المحكمة طلعوا كشف راتب طلع راتبه ٥٠ !! وين بتروحون من الله

Ax :

ابي كل من شاف تعليقي يدعيلي من قلبه احتاج دعواتكم مره 💔

besho.0909 :

ينفق كل موسع قدره يعني النفقه على قدر الاستطاعه مب محصوره بشي معين على الجميع

دورات معتمده👍🏼 :

الصراحه والثقه هم الجزء الاهم في العلاقه لو ماتوفرت وش الفايده جالسين مع بعض

Abdulmalik Al-Qahtani :

انت ملزوم فقط في مسكنها ومشربها واكلها وملبسها ودوائها فقط غيره منت بملزوم ويعتبر صدقه عليها

gf fd :

هههههه لو الي عندي قال انقلعي ماعلي من زعلك اهم شي الفلوس عنده

🕊️سُ :

عندي قناعه ان كل ريال توفرينه وتقصرين على نفسك تندمين بعدين

Sylvia Wright :

حزين :

التفكير الزايد لا تصنع السوالف حنا ناكلها كيف حصلت تعريف راتبه؟

Anwar alraimi :

اكشي كومار شكله البطل بالقصه هذي

Soso :

اللهم امين والمسلمين اجمعين