@musabko4: برضي في رجاك يا أملي ومناي، وبصابر على بُعدك لو طال، أصلو الريدك جواي ما شوية شوق بمرق مع الأيام، إنتِ حتة من روحي، والحتة البتوجعك ما بتقدر تتخلّص منها، مهما حاولت تتناساها. ❤️‍🩹🌷 ياخ أنا ما طالب من الدنيا كتير، لا داير حظي يسبق الناس، لا داير الفرح يجيني من كل الجهات.. كل الدايرو إنو ربنا يكتبني ليك بالحلال، وأجيك يوم ما شايل غير الريد والنية السمحة، وألقى في عيونك عوض السنين الكتيرة الانتظرتها. أنا برضي في رجاك، وبخلي أملي في ربنا كبير، وإن طال المشوار، وإن تعبت خطاوينا.. عسى يوم نلقى روحنا في نفس الدرب، لا بيناتنا مسافات، لا في قلوبنا خوف من الفراق. يا أملي البتمسّك بيهو قلبي كل ما الدنيا تضيق، أنا ما خايف من طول الانتظار، خايف العمر يجري بيناتنا، ونفضل نحلم باللقاء أكتر ما نعيشو.. يا رب إن كان الريد دا مكتوب لينا، ما تحرمنا فرحة اللمّة، واجمعنا بالحلال لَمّة ما يعقبها فراق. ❤️🫂

Musabko

Open In TikTok:

Region: SD

Monday 26 October 2026 21:35:35 GMT