@whos_9issas1: #ليـعـات الـدهر #الحلقه_19 عدي شد الطفلة اللي يبقي واللي راضيتو عدل الها عرس كيف الياقوت و مرقها السبوع بتلفون الفلانية و بالقدر الفلاني من الفظة و ذ كامل ورا سبوع من تخليتو لهدية ذ كامل اياك يوطي هدية فالجمر يغير مابردت خلاقو ماعرف يكان بيه عن هدية قلعت منو راصها بقاتلو فلخلاق ولا زاد شد الها شي شوفتو الها قبيل الدحميس ماخلات منو شي و اللي مشالو بيه التخمام كونها ماصدت عل جيهتو ولا عتبرتو كان متاكد عنها الين تشوفو لاهي تحل فمها و توكلو بالتخراص كيف ذيك الساعة يغير ابدي ماخلق شي من ذ الا ماعتبرت وجودو سلم عليها يعرف حالها و كان زين عندو تخرصو تخراص الوحشة و لا يلمعو عينيها كيف زمن ماضي ردتلو السلام متبسمة مافيها بلو طعنتو وطعنو راصو اللي يتخمم فيها ......... الصبح من غد شور امرييمة متفنة عل لماعين لراجلها و متمونكين وفاتلو اتاي و عملت للناهة دواهاو طرحت للشغالة حالت منصبها و عدلت حالتها ماشة طالعة مع راجلها كيفنها تفتح الباب ذهماتي مرتين متلثمات وحدة منهم كيف شي صغيرة و رقيقة مسندتها ذي لكبيرة امرييمة: مرحبة بغايتكم لمراة لكبيرة :مرحبتي بيك ندورو هدية امرييمة تعجبت: اياك الخير لمراة :الا الخير الحمد الله الا بغايتنا فيها امرييمة قبظها لغبة: هدية ماهي هون الا مع بوها يغير قولولي ان غايتكم اشويبة اصغيرة: تقدي تموريلنا دارو (و كلامها بالسيف مسموع) امرييمة مضات شي تستوعب ذاللي قالت: المارة ماني خبارية حتة فيها يغير ال عدتو تبقو نلحقكم الها و لا نتلفن الها تجيكم لمراة :لعاد مافيها شقاب لحقينا لها امرييمة :مانلا مافم شقاب يغير ماقلتولي هدية خباركم منها لمراة: الا خبار خير نشالله الا خبار خير ركبو الوتة صدت هي عل راجلها وقاتلو يسقم شور دار الزين ...... هدية وعات الا العاشرة دخلت شور بيت الجماعة لاهي تصتبح مع حابي و الزين ذهو عدي قاعد هو والزين بينهم شي من التواغط كيف شي واحلين مازادت عل السلام و قعدت حذ حابي حابي :شكيف صباحك هدية تتكلم: التحت ماشالله وعيت متقطعة حابي :الا ذ هو اللي وقعلي صرتك قبظي صتحبي ان فت صتبحت مع بوك هدية: يلالي مسلبها قلبك تحانيني حابي قرصتها :توف ان عصرك هدية :هههه مايقد حد يجوق معاك الزين نزقها: ذ ظحك اش هدية جات ساكتة و معدلة و قفتها مصيبالو البيت تعرف عنو ماهو حاملها تواجهت مع امرييمة و معاها مرتين تعجبت حابي وقفت :مرحبة و سهلة تفضلو امرييمة تبسمت: مرحبتي بيك الزين هو وعدي جمعو تواغطهم و تلاو يسالمو معاهم امرييمة قعدت:هدية ذو الطافلات فالو عنهم بغايتهم فيك هدية تعجبت: بغايتهم فيا ان و الله تفضلو الزين و عدي صيبو البيت يخلوهم عل راحتهم اشويبة اصغيرة قعدت عند ركبت هدية و قلعت لثامها السلطانة: هدية موجهالك الرسول تسمحيلي هدية رفدتها الصفقة فلعظام عادت بالزة عينيها وذنيها ماتلاو سامعين شي السلطانة تبكي وحسها باح: نبي الشفاعة سمحيلي ان كلبة ولاني بشر يغير سمحلي و الله ماعقبتك للخير خلصلك ربك مني الزين تعجب :ذ شنهو نتي منهي يمنتي امرييمة كيفنها فاقت من الصدمة عدلت وقفتها: ذي السلطانة لمراة كردت امرييمة :لمراة لمتعدلة حقالله تكايسي امرييمة ترفع لمراة :يمي يقلعك نتي و هي افيم نتكايس باااط تبيعو منتي القايلة من النهار و تقوليلي نتكايس اااه(ذ تصكك بيه ) الزين هو عدي دخلو منخلعين: نتومة مالكم امرييمة تصكك: وهاي لا يفوتك الملعونات... هدية حوزت السلطانة عنها و قيمت واخظة طارت السلطانة فيها من اللورا و قامت تبكي بكي يوجع القلب هومة كاملين سكتو السلطانة تشهق: هدية و جتلك ربك سمحيلي فيا السرطان.. رحميني يرحمك مولانة هدية نفظتها عنها و صدت عليها :رحمتيني ان نتي الين عدلتيها فيا تكلمي رحمني محمود و لا رحمني الزين ذاللي واقف ولا رحمتني امي اللي مخليتني مافيكم اللي رحمني و ان اميني راحمة حد و نقولهالكم كاملين ماني سامحالكم مااااني لمراة قامت تبكي: موجهالك باللي تبقي قعدي الين نتفاهمو هدية تبسمت :ذيك الساعة ماتفاهم معاية حد و حالن ماني متفاهمة مع حد الزين نفظو قلبو بيه كلام هدية يغير مافات فهم شي امرييمة دارت ايديها عل وجهها و قعدت تبكي و عدي مصدوم كيف الوين ذ مافهمو و حابي الا الاطرش فالزفة المراة كردت هدية: ان وجتلك الرسول قعدي الين نفهمك ذ هدية قيمت واخظة ماعلقت عليها كيفنها تلحق الباب جات راجعة شور حابي هدية :ديري رقم البشير و عطيني تلفونك حابي دارت رقمو وخطاتولها مضات شي تصوني قبظها البشير: نعم هدية تقرقرو عينيها :البشير ذيك ان هدية ... تقد تيجيني البشير ج فبالو عن الزين بطها :يمي و الله نجيك حالن يمنتي عدلت قعدتها تحانيه تلات لمراة اللي مع السلطانة تعرفهم براصها وقالت عنهم جايات من نواذيبو رافدة بيهم الا هدية يقبظو خلاقها قامت عليهم امرييمة الين ذاك سمعتهم ول اسيساح و السلطانة الا تبكي عندها من لكلام

9issas essoume ❣️

Open In TikTok:

Region: MR

Monday 26 October 2026 23:37:10 GMT