ဒေါ်အောင်ဆန်းစုကြည်က သူ့ရဲ့ကျန်းမာရေးဆိုင်ရာရောဂါတွေကို ဘယ်တုန်းကမှ ပြည်ပဆေးရုံကြီးတွေမှာ သွားရောက်ကုသတာမျိုး လုပ်လေ့မရှိဘူး ၊ ပြည်တွင်းက ပြည်သူ့ဆေးရုံတွေမှာပဲ ကုသတယ် ၊ အိမ်ကိုခေါ်ပြီး ကုတာမျိုးလည်း မလုပ်ဘူး ၊ သူကိုယ်တိုင်ပဲ ဆေးရုံကို သွားရောက်ကုသတယ် ၊ ရုံးချိန် တာဝန်ချိန်မှာ နိုင်ငံတော်အတိုင်ပင်ခံပုဂ္ဂိုလ်အဆင့် စီးရမဲ့ကားကို အသုံးပြုတယ် ၊ ရုံးပိတ်ရက်တွေ ကိုယ်ရေးကိုယ်တာကိစ္စတွေမှာ နိုင်ငံတော်ကကားကို မသုံးဘူး ၊ သူ့ကိုယ်ပိုင်ရွှေငါးအဟောင်းလေးကိုပဲ သုံးတယ် ၊ ချင်းပြည်နယ်ခရီးစဥ်မှာ သူစီးနင်းလာတဲ့ရဟတ်ယာဥ်ရဲ့ပန်ကာအရှိန်ကြောင့် ရဟတ်ယာဥ်ကွင်းဘေးကချင်းပြည်သူတွေရဲ့အိမ်တစ်ချို့ အမိုးလန်သွားတာကို စိတ်မကောင်းဖြစ်ရလို့ သူတောင်းပန်ခဲ့သေးတယ် ၊ ပြန်လျော်ပေးခဲ့တယ် ၊ အိမ်တွေအပေါ်တည့်တည့်ကိုဗုံးကြဲနေတဲ့ကောင်ကတော့ တောင်းပန်ဖို့ဆိုတာဝေလာဝေး ၊ တနင်္ဂနွေနေ့ကြီးရောက်လာလို့ ဘုရားကျောင်းမတက်ဖြစ်ရကြောင်း ချင်းကြီးတစ်ဦးကထပြောတော့ သူလည်းအားတဲ့ရက်မို့လာမိတာပါ နောက်ဆိုဆင်ခြင်ပါ့မယ်ဆိုပြီး တောင်းပန်ခဲ့သေးတယ် သမ္မတကြီးဆိုရင်လဲ သမ္မတကြီးဦးဝင်းမြင့်ရဲ့ သွားနာရောဂါကို ဆရာဝန်တစ်ယောက်က ကုပေးလို့ သက်သာသွားတော့ ဆရာဝန်ကို ကျေးဇူးတင်လွန်းလို့ ကျနော်ကသမ္မတဆိုပေမဲ့ (ခြံကွက်တိုက်ခန်းတင်ဒါပါမစ်)ဘာမှပေးစရာတော့မရှိပါဘူးဆရာ အိမ်မှာပဲထမင်းလိုက်စားပါလား ကျနော့်မိန်းမက လက်ရာကောင်းတယ်ဆိုပြီး ဖိတ်ခဲ့ဖူးသတဲ့ ဒီလိုပုဂ္ဂိုလ်တွေကို စော်ကားနေတဲ့သူတွေ ပြိုလဲနေကြရတာတွေကလည်း သိပ်တော့မထူးဆန်းဘူး ၊ ဒီပုံလေးကတော့ အမှတ်တရသိမ်းထားဖြစ်တာ တော်တော်ကြာပြီ ၊ အားရက် တနင်္ဂနွေတစ်ရက်မှာ မျက်စိရောဂါခွဲစိတ်ဖို့အတွက် နေပြည်တော်ပြည်သူ့ဆေးရုံကိုသွားခဲ့တဲ့ နိုင်ငံတော်အတိုင်ပင်ခံပုဂ္ဂိုလ်နဲ့ သူရဲ့ကားလေး ။ - @vivan_vivan