@alikhaalid0: Amaanta iyo iyada Dadkii hore marka ay doonayeen inay wax si dhab ah u ammaanaan, mar walba qof ama shay si toos ah uguma ekaan jirin; waxay tusaale u soo qaadan jireen waxyaabaha ugu quruxda iyo cajaa’ibka badan ee ay garanayeen. Haddii ay rabaan inay degaan ama meel ammaanaan, waxay ka sheekayn jireen dhul barwaaqo ah, beerihii doogga ahaa, geedaha midhaha badan, roobka badan iyo meel xooluhu si deggan ugu daaqaan. Waxay tilmaami jireen dhul aan abaari taaban, biyo socda, ceelal aan gudhin iyo bannaan cagaaran oo indhuhu ku raaxaystaan. Haddii ay nin ama geesi ammaanaan, waxay la barbar dhigi jireen libaaxa oo kale geesinimadiisa, ama faraska dheereeya oo kale firfircoonidiisa iyo haybaddiisa. Haddii ay qurux ama muuqaal tilmaamayaanna, waxay tusaale u soo qaadan jireen dayaxa marka uu habeen madow soo baxo, xiddigaha cirka ku daadsan, ubaxa marka uu soo baxo iyo daa’uuska oo baalashiisa kala fura. Laakiin anigu markaan iyada arkay, tusaalooyinkaas oo dhan waxay ila noqdeen kuwo aan weli ku filnayn. Haddii aan idhaahdo waxay leedahay quruxda dayaxa, dayaxu wuu iga xanaaqayaa; waayo isagu hal dhinac ayuu quruxdiisa ku leeyahay, iyaduna wajigeeda oo dhan ayay quruxdu ka degan tahay. Haddii aan idhaahdo waxay la mid tahay ubax, ubaxu wuu iga yaraanayaa; waayo ubaxu indhaha ayuu uun ku raaxaysiiyaa, iyaduna muuqaalkeeda oo keliya ma aha waxa la yaabka leh—xitaa deganaanshaheeda, codkeeda iyo dabciyadeeda ayaa quruxda qayb ka ah. Haddii aan daa’uuska soo qaato, kaasna waan ka xishoonayaa. Isagu baalashiisa ayuu kala bixiyaa si loo arko quruxdiisa, iyaduna uma baahna inay wax samayso; iyadoo iska fadhida ayay indhaha ku qabsanaysaa. Markaas ayaan fahmay in mararka qaar qofku aanu u baahnayn tusaale loo raadiyo. Tusaalihii laftiisa ayuu noqon karaa. Iyaduna sidaas ayay ila noqotay. Waxaan isku dayay inaan ku cabbiro quruxdii ay dadkii hore ku ammaani jireen dayaxa, ubaxa, roobka, doogga, daa’uuska iyo barwaaqada dhulka, laakiin dhammaantood waxay ii noqdeen erayo aan meesha gaadhin. Ilaa iminka amaann ku filann ayaan la,ahayy iyada..!!! #everyone #Love #somali #trending #viralvideo @Bidhi Vlogs  @ridwaan_fani @Sulthan Tourism’s @Jicsin Production 🎥 @Bashka @Boqor Salah

Eng Ali gurey

Open In TikTok:

Region: SO

Tuesday 27 October 2026 08:39:23 GMT