طز في الحب اللي يكسرك وبعدين يسألك مالك طز في الحب اللي يخليك تشك في نفسك وإنت كل ذنبك إنك صدّقت طز في الحب اللي يعلّمك الخوف بدل الأمان طز في الحب اللي يخليك تشحت اهتمام من إنسان المفروض إنك أغلى حاجة عنده طز في الحب اللي يسيبك تحارب لوحدك ويرجع وقت ما يحب طز في الحب اللي كلامه حنين وفعله قسوة طز في الحب اللي يخليك تندم إنك كنت صادق طز في الحب اللي يسرق منك ضحكتك وثقتك في الناس طز في الحب اللي يخلي طرف فاكر إنه امتلك الطرف التاني لمجرد إنه حبه طز في الحب اللي يعتبر الاهتمام حق مكتسب والطاعة واجب والاختلاف قلة تقدير طز في الحب اللي يحاصرك باسم الغيرة ويخنقك باسم الخوف عليك طز في الحب اللي عايزك موجود وقت ما يحتاجك ومشغول عنك وقت ما تحتاجه طز في الحب اللي يختبر صبرك كل يوم وكأن وجعك دليل على إخلاصك طز في الحب اللي يديك بالأمل جرعة ويعاقبك بالحرمان عمر طز في الحب اللي يفتكرك اختيار وقت ما يكون عنده بديل ويعاملك كأنك قدر لما يخاف يخسرك طز في الحب اللي يطلب منك تنسى كرامتك عشان تثبت له إنك بتحبه طز في الحب اللي كل ما تتنازل فيه عن نفسك يطلب منك تنازل أكبر طز في الحب اللي يفتكر إن سكوتك ضعف وإن طيبتك ضمان وإنك عمرك ما هتمشي وطز في الحب اللي مايعرفش قيمة وجودك غير لما يتفاجئ بغيابك لأن الحب مش ملكية ولا سجن ولا عقد احتكار الحب اختيار بيتجدد كل يوم واللي مش عارف يحافظ عليك وهو معاك مايلومش غير نفسه لما يلاقيك بقيت ذكرى 💔 #وجع #وجع_مگتوم💔😔 #وجع_القلب #استشارات #علاقات علاقات - @ahmed_samy.official