@hirunews: මීගමුව සිද්ධියෙන් මියගිය සහ පූර්ණ ආබාධිත බන්ධනාගාර නිලධාරීන්ට රු:මි: 5ක්, අර්ධ ආබාධිත (ඉපයුම් ශක්තිය නොමැති) රු:මි:4ක් සහ තාවකාලික ආබාධිත අයට රු:මි:3 බැගින් විශේෂ වන්දියක් ගෙවීමට කැබිනට් අනුමැතිය 2026 ජූලි 5 සහ 6 යන දිනවල මීගමුව බන්ධනාගාරයේ ඇති වූ ගැටුම හේතුවෙන් ජීවිතක්ෂයට පත් වූ සහ තුවාල ලැබූ බන්ධනාගාර නිලධාරීන්ට වන්දි සහ සහන ලබාදීම සඳහා ඉදිරිපත් කළ නිර්දේශ ක්‍රියාත්මක කිරීමට අමාත්‍ය මණ්ඩල අනුමැතිය හිමිව තිබෙනවා. ඒ අනුව, ජීවිතක්ෂයට පත් වූ සෑම බන්ධනාගාර නිලධාරියෙකුටම රුපියල් මිලියන 5ක විශේෂ වන්දි මුදලක් ලබාදීමට තීරණය කර ඇති අතර, එය රාජ්‍ය පරිපාලන චක්‍රලේඛ අංක 22/93 යටතේ ගෙවනු ලබන වන්දි මුදල්වලට අමතරව ලබාදීමට නියමිතයි. එමෙන්ම, පූර්ණ ආබාධිත තත්ත්වයට පත් වූ නිලධාරියෙකුට රුපියල් මිලියන 5ක වන්දියක් ද, උපරිම ඉපයීමේ හැකියාව සියයට 100කින් අහිමි වූ අර්ධ ආබාධිත නිලධාරියෙකුට රුපියල් මිලියන 4ක වන්දියක් ද ලබාදීමට අනුමැතිය හිමිව තිබෙනවා. තාවකාලික අර්ධ ආබාධිත තත්ත්වයට පත් වූ නිලධාරියෙකුට රුපියල් මිලියන 3ක වන්දි මුදලක් ලබාදීමට ද තීරණය කර ඇති බව සඳහන්. මේ අතර, බන්ධනාගාර උපක්‍රමික බලකාය ශක්තිමත් කිරීම සඳහා ද පියවර ගැනීමට අමාත්‍ය මණ්ඩලය අනුමැතිය ලබාදී තිබෙනවා. ඒ අනුව, එම බලකායට නෛතික තත්ත්වයක් ලබාදීමට හැකි වන පරිදි බන්ධනාගාර ආඥාපනත සංශෝධනය කිරීම, ප්‍රමාණවත් සහ සුදුසු නිලධාරීන් බඳවා ගැනීම සහ ඔවුන්ට විධිමත් පුහුණුවක් ලබාදීම එම නිර්දේශ අතරට ඇතුළත්. එමෙන්ම, බලකායට අවශ්‍ය නවීන උපකරණ ලබාදීමට සහ සුදුසු ස්ථානයක බන්ධනාගාර උපක්‍රමික බලකා මූලස්ථානයක් පිහිටුවීමට ද අනුමැතිය හිමිව තිබෙනවා. මෙම නිර්දේශ ඉදිරිපත් කිරීම සඳහා 2026 අගෝස්තු 3 වැනිදා පැවති අමාත්‍ය මණ්ඩල රැස්වීමේදී අධිකරණ සහ ජාතික ඒකාබද්ධතා අමාත්‍යාංශයේ ලේකම්වරයාගේ ප්‍රධානත්වයෙන් කමිටුවක් පත් කර තිබූ අතර, එම කමිටුවේ වාර්තාව අධිකරණ සහ ජාතික ඒකාබද්ධතා අමාත්‍යවරයා විසින් අමාත්‍ය මණ්ඩලයට ඉදිරිපත් කර තිබෙනවා. #HiruNews #HiruNewsLK #TruthAtAllCosts

1457

There are no more comments for this video.

To see more videos from user @hirunews, please go to the Tikwm homepage.