@takyk.com.tm: #takyk #Türkmenistan #tehnologiýa #ulag #Türkmentel Aşgabatda halkara ulag we sanly tehnologiýalar boýunça çäreler geçiriler 24–26-njy noýabr aralygynda Aşgabatda iki sany halkara çäre geçiriler. Olardan biri «Halkara ulag-tranzit geçelgeleri: arabaglanyşyk we ösüş – 2026» atly halkara maslahat we sergi, beýlekisi bolsa «Türkmentel – 2026» atly halkara sergi we ylmy maslahatdyr. «Türkmentel – 2026» çäresinde telekommunikasiýa, hemra aragatnaşygy, emeli aň, 5G tehnologiýasy, sanly platformalar we maglumat howpsuzlygy ýaly ugurlardaky täze çözgütler görkeziler. Şeýle hem IT-infrastruktura, maliýe tehnologiýalary, töleg ulgamlary, «akylly öý» tehnologiýalary we mobil goşundylar boýunça mümkinçilikler ara alnyp maslahatlaşylar. Ulag maslahaty halkara ulag ugurlaryny ösdürmäge, ýurtlaryň arasyndaky ulag gatnaşyklaryny pugtalandyrmaga we üstaşyr ýük daşamalarynyň netijeliligini ýokarlandyrmaga bagyşlanar. Çärelere ýerli we daşary ýurtly ulag-logistika kompaniýalarynyň wekilleriniň, bilermenleriň hem-de pudak hünärmenleriniň gatnaşmagyna garaşylýar. Iki çäräniň bir wagtda geçirilmegi ulag infrastrukturasyny we sanly tehnologiýalary utgaşykly ösdürmegiň mümkinçiliklerini ara alyp maslahatlaşmaga şert döreder.

TAKYK

Open In TikTok:

Region: DE

Tuesday 27 October 2026 09:44:38 GMT