@millardayo_: Naibu Waziri wa Katiba na Sheria, Zainab Katimba amesema Mtoto ana haki ya kurithi mali za Mzazi wake bila kujali kama amezaliwa ndani au nje ya ndoa. Katimba ametoa ufafanuzi huo bungeni Jijini Dodoma wakati akijibu maswali ya Mbunge Tina Andrew Chenge, aliyehoji iwapo Serikali haioni umuhimu wa kufanya marekebisho ya sheria za mirathi ili kuhakikisha Watoto waliozaliwa nje ya ndoa hawabaguliwi katika ugawaji wa mali za Marehemu. Akijibu hoja hiyo, Katimba amesema mali zinazoweza kuingizwa kwenye mirathi ni zile zilizokuwa zikimilikiwa kisheria na Marehemu wakati wa kifo chake, huku akifafanua kuwa mali zilizotolewa kama zawadi wakati wa uhai wa Marehemu haziwezi kurejeshwa kwenye mirathi kwa sababu tayari zilikuwa zimetoka katika umiliki wake. Katimba amesisitiza kuwa Sheria ya Mtoto inatambua haki ya Mtoto kurithi kutoka kwa Mzazi wake, iwe amezaliwa ndani au nje ya ndoa, huku akieleza kuwa Serikali itaendelea kuhakikisha haki za Wanawake, Watoto na Warithi wengine zinalindwa kwa mujibu wa Sheria. #MillardAyoUPDATES

millardayo

Open In TikTok:

Region: TZ

Tuesday 27 October 2026 10:22:26 GMT