@shaawa404: من التفاصيل المبهجة في علاقتنا إني وقت احتاجك بلقاك جنبي🥹🫂🤍 كل واحد مننا بتمر عليه أوقات بحس إنه محتاج يتكلم .. محتاج يعبر .. يفضفض .. يطلع الكبت الجواه. بس للأمانة ما أي زول بينفع إننا نمشي ونحكي ليه عن الجوانا .. ما أي زول ينفع نحكي ليهو مشاكلنا .. نأخد رأيه .. نطلع قدامه السوء اللي فينا ! في حاجات خاصة بينا شديد ما ينفع تتحكي لأي زول عادي وما ينفع يعرفها إلا الإنسان البنحبه ! الإنسان بطبعه وقت يحس إنه ما كويس بيجري للإنسان البحبه عشان يحتويه ويحضنه حتى لو الحضن كان بالكلمات ! ماف أسرع من شعور الحب عشان يخفف الوجع اللي فينا ! لما تلقى الإنسان البحبك جنبك= معظم مشاكلك حتهون وحتتحل. كل البنكون محتاجين ليه في اللحظة دي ! إننا نتكلم ونلقى زول يسمعنا .. نبكي وزول يمسح دمعتنا .. نخاف وزول يطمنا ويحتوينا. ما تخلي زول بتحبه يحس إنه براه ! ما تخلي الحزن والزعل ينهش قلبه وأنت واقف بعيد تتفرج ! لأنه الإنسان لما يعيش حزنه براه في وجود شريكه= حيحس إنه وحيد وحيفضل عايش بالإحساس دا في كل المرات الجاية ! فكرة وجودك جنبي براها كفاية عشان تخليني أقدر أقاوم كل حاجة ضاغطاني !)) ❤️

ش̶ع̶و̶ر̶🖤😇

Open In TikTok:

Region: SD

Tuesday 27 October 2026 11:17:59 GMT