@leqalxeber.az: LEQAL XƏBƏR məlumat verir ki, Lent.az-ın yaydığı məlumata əsasən, Azərbaycan dövlət sərhədini qanunsuz keçən 17 yaşlı Əfqanıstan vətəndaşı saxlanılıb. Hadisə Astara rayonunun Züngüləş kəndində qeydə alınıb. Məlumata görə, yeniyetmənin barəsində cinayət işi başlanıb. Təqsirləndirilən şəxs ifadəsində bildirib ki, 2022-ci ildə işləmək məqsədilə valideynləri ilə birlikdə Əfqanıstandan İrana keçib. Tehranda daş karxanalarında işləyərkən Azərbaycan sərhədini qanunsuz keçən digər beş nəfərlə tanış olub. Onun sözlərinə görə, İranda vəziyyətin mürəkkəbləşməsi səbəbindən Avropaya getmək qərarına gəlib. Bunun üçün əvvəlcə Azərbaycana, daha sonra isə Gürcüstana keçməyi planlaşdırıb. Yeniyetmə Tehrandan taksi ilə İranın Astara şəhərinə gəlib, daha sonra heç bir sənədi olmadan piyada Azərbaycan ərazisinə keçib. Lakin qısa müddət sonra sərhədçilər tərəfindən saxlanılıb. O, törətdiyi əməldən peşman olduğunu bildirərək məhkəmədən yüngül cəza istəyib. Məhkəmənin qərarı ilə yeniyetmə 5 ay 29 gün müddətinə azadlıqdan məhrum edilib. #azərbaycan #sərhəd #məhkəmə

Leqalxeber

Open In TikTok:

Region: AZ

Tuesday 27 October 2026 14:00:00 GMT