@fella4803: အားကောင်းတဲ့ ဆိုင်ကလုန်းမုန်တိုင်းအဆင့် ရောက်သွားပါပြီ ဒီနေ့အောက်တိုဘာလ ၂၇ရက်၊ မွန်းတည့် ၁၂နာရီအချိန် တိုင်းတာချက်များအရ ဘင်္ဂလားပင်လယ်အော် အလယ်ပိုင်းမှာ ဖြစ်ပေါ်နေတဲ့ ဆိုင်ကလုန်းမုန်တိုင်း ''အာနပ်'' ("ARNAB" Cyclonic Storm) ဟာ သာမာန် ဆိုင်ကလုန်းမုန်တိုင်းအဆင့် မဟုတ်တော့ဘဲ အားကောင်းတဲ့မုန်တိုင်းကြီးအဆင့်ကို ရောက်ရှိသွားခဲ့ပြီး အနောက် - အနောက်မြောက်ဘက်၊ အိန္ဒိယနိုင်ငံဘက်ကို ဦးတည် ရွေ့လျားနေပါတယ်။ အမေရိကန်ရေတပ်နဲ့ လေတပ်တို့က ပူးတွဲ ကြီးကြပ်ကွပ်ကဲတဲ့ မုန်တိုင်းများ သတိပေးစင်တာကြီးဖြစ်တဲ့ JTWC နဲ့ အခြား ကမ္ဘာလုံးဆိုင်ရာ မိုးလေဝသမော်ဒယ် အများစုက ဒီ အားကောင်းတဲ့ ဆိုင်ကလုန်းမုန်တိုင်းကြီးဟာ အနောက်ဘက် အိန္ဒိယနိုင်ငံဘက်ကို ဆက်ရွေ့လျားပြီး လေတိုက်နှုန်း တစ်နာရီလျှင် မိုင် ၁၀၀ ဝန်းကျင်နှုန်းအထိ ပိုမိုအားကောင်းလာနိုင်တယ်လို့ ခန့်မှန်းချက်များ အသီးသီး ထုတ်ပြန်ထားကြပါတယ်။ အိန္ဒိယနိုင်ငံ၊ အန်ဒရာပရာဒေ့ရှ်ပြည်နယ် တောင်ပိုင်းကို ကကီနာဒါ (Kakinada) မြို့နဲ့ မာချီလီပတ္တနမ် (Machilipatnam) မြို့တို့အကြား၊ အနောက်ဂေါဒါဝါရီခရိုင် (West Godavari District)၊ ပီရူပါလမ် (Perupalem) ကမ်းခြေအနီးမှ ကုန်းတွင်းသို့ ဖြတ်ကျော်ဝင်ရောက် တိုက်ခတ်နိုင်တယ်လို့ ထုတ်ပြန်ထားကြပါတယ်။ ဒီနေ့ မွန်းတည့်ချိန် တိုင်းထွာချက်အရ မုန်တိုင်းဟာ လေတိုက်နှုန်း တစ်နာရီလျှင် မိုင် ၇၀ မှ ၇၅ မိုင်နှုန်း ရှိပြီး ဗဟိုချက်လေဖိအား ၉၉၇ ဟက်တိုပါစကယ် ရှိတယ်လို့ တိုင်းတာရရှိထားပြီး JTWC ကတော့ လေတိုက်နှုန်း မိုင် ၁၀၀ ရှိနေပြီလို့ ထုတ်ပြန်ထားပါတယ်။ ဒီမုန်တိုင်းက မြန်မာနိုင်ဘက်ကို မလာနိုင်တဲ့အတွက် မြန်မာပြည်အတွက်တော့ အန္တရာယ် မရှိပါဘူး။ မစိုးရိမ်ကြဖို့ ပြောချင်ပါတယ်။ ဒါကြောင့် လိုင်းပေါ်က ပေါက်ကရသတင်းတွေ မယုံပါနဲ့ဗျ။ ဒီ အားကောင်းတဲ့ ဆိုင်ကလုန်းမုန်တိုင်း "အာနပ်"ရဲ့ အရှိန်ကြောင့် တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ မကွေးတိုင်း၊ နေပြည်တော်၊ မန္တလေးတိုင်း၊ ကယားပြည်နယ်၊ ရှမ်းပြည်နယ်၊ ရခိုင်ပြည်နယ်၊ ချင်းပြည်နယ်နဲ့ စစ်ကိုင်းတိုင်း အောက်ပိုင်းက မြို့နယ်ကျေးရွာတွေမှာ လာမယ့် ၂၈ ရက်နေ့အတွင်း နေရာကျဲကျဲမှ နေရာစိပ်စိပ် မိုးထစ်ချုန်း ရွာပြီး နေရာကွက် မိုးများနိုင်ပါတယ်။ ဒါ့အပြင် လျှပ်စီးမိုးကြိုး အန္တရာယ်လဲ ရှိပါတယ်။ ၂၉၊ ၃၀၊ ၃၁ရက်နေ့တွေမှာ တနင်္သာရီတိုင်း၊ မွန်ပြည်နယ်၊ ကရင်ပြည်၊ ရန်ကုန်တိုင်း၊ ပဲခူးတိုင်း၊ ဧရာဝတီတိုင်းအတွင်းက မြို့နယ်ကျေးရွာတွေမှာ မိုးထပ်ရွာဖို့ ရှိသေးပါကြောင်း ကြိုတင်အသိပေးလိုက်ပါတယ်ဗျ။ ကွင်းပြင်တွေ၊ သစ်ပင်အောက်တွေ မနေပါနဲ့။ မြန်မာသက္ကရာဇ် ၁၃၈၈ ခု၊ ဝါလကင်းလွတ် ဒီသီတင်းကျွတ်မှစပြီး ၇နေ့၈နာမျ သားသမီးအားလုံး ကိုယ်စိတ်နှစ်ဖြာ ကျန်းမာချမ်းသာပြီး လိုရာဆန္ဒများ ပြည့်ဝကြပါစေဗျာ။ မိုးလေဝသ မှန်ကန်ပါစေ။ ဆန်ရေစပါး ပေါများပါစေ၊ ဒါနသီလ ညီမျှပါစေ၊ တရားထူး တရားမြတ် ရရှိပါစေ၊ ဘေးဆိုး ရန်ဆိုး အန္တရာယ်ဆိုးတွေမှ ကင်းလွတ် ငြိမ်းအေးကြပါစေဗျာ။ Issued Time: 27-10-2026/1:00PM Derived from: Multi-Model Consensus (ECMWF, GFS, ICON, UKMO, GEM, JMA, WRF, PPD, ACCESS, GSM, CMA, NCUM, NCMRWF) ဒေါက်တာ စိုင်းခွန်အာကာ #ဒီတစ်ပုဒ်တော့fypပေါ်ရောက်ချင်တယ် #ဆယ်လီမှအသဲပေးတာလား😔😑 #1millionaudition #foru #fypシ゚

Fella

Open In TikTok:

Region: MM

Tuesday 27 October 2026 13:50:31 GMT