@mkerewemedia: Mama Mmoja aliyefahamika kwa Jina la Kefrine Mhande Mkazi wa Kata ya Nyamalimbe , Halmashauri ya wilaya ya Geita Mkoani humo amejifungua watoto Mapacha wanne Usiku Oktoba 22 , 2026. Akizungumza na wanahabari Leo Oktoba 27 , 2026 katika Hospitali ya Manispaa ya Geita , Bi. Kefrine amesema alifika Katika Hospitali ya hiyo siku ya Alhamisi ambapo alijifungua watoto hao Mapacha wakike wawili na wakiume wawili. "Nilifika siku ya Alhamisi Mida ya Saa mbili nusu lakini namshukuru Mungu mida ya saa tatu nikawa nimejifungua , nimejifungua watoto wanne wakiume wawili na wakike wawili nilijifungua kwa njia ya kawaida , " Mzazi Kefrine. Kwa upande wake Mme wa Kefrine aliyefahamika kwa Jina la Zengo Lutego Mkazi wa Nyamalimbe ameiomba serikali na wadau kwa ujumla kumpatia sapoti ya kuwalea watoto hao ikiwemo Maziwa kwa ajili ya watoto pamoja na Bima za afya zitakazosaidia kiwalea watoto hao ili kuepukana na Gharama. Daktari kutoka Hospitali ya Manispaa ya Geita , Bi. Caroline Muya amesema upatikanaji wa watoto hao mapacha unaendana na Utoaji wa huduma nzuri waliyoipata huku akiahidi kuwapatia huduma nzuri kwa kipindi chote ambacho watakuwa hapo Hospitalini.

mkerewe media

Open In TikTok:

Region: TZ

Tuesday 27 October 2026 14:10:16 GMT