@bes_arys: Атыраудағы әйелдер колониясында жазасын өтеп жатқан Гүлназ Серікбаеваны басқа сотталған әйелдер соққыға жыққан. Бұл туралы оның анасы Дәмеш Шілдебаева мәлімдеді. Оқиғадан кейін қызына медициналық көмек қажет болған. 26 қазанда Шілдебаева видеоүндеу жариялады. Оны #NotExtremists құқық қорғау тобының Telegram-арнасы таратты. Анасының айтуынша, төрт сотталған әйел Гүлназдың соңынан әжетханаға барған. Олардың екеуі есікті ұстап тұрған, ал қалғандары Серікбаеваны шашынан тартып, ішінен ұрған. Шілдебаеваның сөзінше, жанжалды кейін полицияға куәлік берген тағы бір сотталған әйел тоқтатқан. Оқиғадан кейін Серікбаева 102 қызметіне хабарласып, медициналық тексеруден өту үшін ауруханаға жеткізілген. Шілдебаеваның айтуынша, қызының басы қатты ісіп, ісік мойнына дейін тараған және қан қысымы көтерілген. Оның сөзінше, дәрігерлер тағайындаған ем әзірге нәтиже бермеген. Серікбаеваның өзі шабуылға басқа екі сотталған әйелмен арадағы жанжал себеп болуы мүмкін деп есептейді. Оның нұсқасы бойынша, бұған дейін әлгі әйелдер оны арандатқан және саяси көзқарасына байланысты басқа сотталғандарды оған қарсы айдап салған. Алайда әзірге бұл болжамды растайтын дәлелдер жоқ. Сондай-ақ анасы шабуылға қатысы бар деген әйелдердің бұрынғы жасағында қалғанын, ал қызының бөлек камераға орналастырылғанын айтады. Серікбаеваға кистаны алып тастау үшін ота жасалуы керек. Анасының сөзінше, болған оқиғадан кейін қызы өз қауіпсіздігіне алаңдап отыр. «Ана ретінде оның өмірі мен денсаулығына алаңдаймын. Қайтадан шабуыл жасала ма деп қорқамын. Шұғыл араласып, оның қауіпсіздігін қамтамасыз етулеріңізді сұраймын», – деді Шілдебаева. Ол халықаралық құқық қорғау ұйымдарына, БҰҰ-ға, ЕҚЫҰ-ға, Еуропа Кеңесінің Парламенттік Ассамблеясына (ПАСЕ) және Еуропарламент депутаттарына көмек сұрап жүгінген. Гүлназ Серікбаева Қазақстан Республикасы Қылмыстық кодексінің 174-бабы бойынша, яғни әлеуметтік, ұлттық, рулық, нәсілдік, тектік-топтық немесе діни алауыздықты қоздырғаны үшін үш жылға сотталған. Halyqstan редакциясы болжамды шабуылға және мекеме әкімшілігінің әрекетіне қатысты түсініктеме алу үшін Атырау облысы бойынша Қылмыстық-атқару жүйесі департаментіне сауал жолдады. #казахстан #астана #fly #казахстан🇰🇿

Алты Алаш

Open In TikTok:

Region: KZ

Tuesday 27 October 2026 16:43:49 GMT