@ibrahimbichi01: MAFI ALKHAIRIN MUTANE...! Manzon Allah ﷺ ya ce: «خَيْرُ النَّاسِ مَنْ طَالَ عُمُرُهُ وَحَسُنَ عَمَلُهُ» Ma’ana: “Mafi alherin mutane shi ne wanda rayuwarsa ta tsawaita, kuma aikinsa ya kyautata.” (Jāmi‘ at-Tirmidhī, 2330) FA’IDA: TSAWON RAI TARE DA AIKI NA ƘWARAI, SHI NE AINIHI RIBAR RAYUWA. Ba wai tsawon rai kaɗai ne falala ba, a’a, falalar ita ce mutum ya sami damar yin amfani da tsawon rayuwarsa wajen bautar Allah, aikata alheri, taimakon mutane, neman gafarar Allah da gyara kuskurensa. Idan Allah Ya ba ka tsawon rai, Ka yi amfani da shi wajen ƙara kusantarSa. Idan Ka sami dama, Ka yi alheri kafin damar ta wuce. Idan Ka sami lafiya, Ka yi amfani da ita wajen biyayya ga Allah kafin rashin lafiya ta hana ka. Domin ba a auna darajar rayuwa da yawan shekarun da mutum ya yi kawai, ana kuma duban ayyukan alherin da ya aikata a cikinta. Kada ka jira gobe kafin ka fara kyautatawa, domin ba ka san ko za ka riski gobe ba. Ya Allah, Ka tsawaita rayuwarmu cikin biyayya gare Ka, Ka kyautata ayyukanmu, Ka sa ƙarshen rayuwarmu ya zama mafi alheri fiye da farkonta, kuma Ka karɓi ayyukanmu na ƙwarai.

IBRAHIM BICHI ✅

Open In TikTok:

Region: NG

Tuesday 27 October 2026 18:14:19 GMT