@gunstiyle: Bəzən insanların əsl simasını görürsən… Bəlkə də görmək istəmədiyin halda. Çünki gördüyün həqiqətlər səni hər zaman xoşbəxt etmir. Bəzən kiminsə əsl üzünü tanımaq, inandığın hər şeyin bir anda mənasını itirməsi kimi gəlir insana. Əslində, mən də görmək istəməzdim. İstərdim ki, insanları ilk tanıdığım kimi qəbul edim, elə o cür də xatırlayım. Amma çox təəssüf ki, bu, həmişə məndən asılı olmur. Bəzən onların dediklərindən çox, susduqlarını hiss edirəm. Gözlərində, baxışlarında sözləri ilə uyğun gəlməyən nələrsə sezirəm… Bu məni yorurmu? Yorur. Düşündürürmü? Düşündürür. İnsanlara güvənməyimi çətinləşdirirmi? Çətinləşdirir. Bəzən isə çox incidir… Yenidən seçim şansım olsaydı, bu xüsusiyyətimin olmasını istəyərdimmi? Xeyr, istəməzdim. Çünki bəzən insan hər şeyi görmək yox, sadəcə inandığı kimi yaşamaq istəyir. Bəzən də dünya bütün həqiqətləri ilə açılmamalı, bir az xəyal olaraq qalmalıdır… #kesfet#Həyatınİçindən

gunstiyle

Open In TikTok:

Region: AZ

Tuesday 27 October 2026 19:26:34 GMT