როგორი კეთილიც არ უნდა იყო, ხალხი მაინც ყოველთვის ცუდს დაინახავს შენში, მაგრამ იმას უკან მოიტოვებს, რაც კარგიც ახსოვს. გაგიხსენებენ იმ შეცდომებს, რომლებიც უნებლიედ დაუშვი, დაგივიწყებენ იმ სიკეთეს, რომელიც მათთვის გაგიკეთებია და მხოლოდ იმაზე გაამახვილებენ ყურადღებას, რამაც ატკინა. თითქოს ერთი შეცდომა ყველაფერს ფარავს, რაც ოდესღაც კარგი გაგიკეთებია. ასეა სიყვარულშიც… რამდენი ტკივილიც არ უნდა მოგაყენოს ადამიანმა, რამდენჯერაც არ უნდა გაგიტეხოს გული და რამდენჯერაც არ უნდა დაგტოვოს იმედგაცრუებულს, გულში მაინც რჩება მისთვის ადგილი. ადგილი, რომელსაც ვერავინ იკავებს ისე, როგორც ის იკავებდა. იმიტომ კი არა, რომ დაგავიწყდა, რაც გატკინა, ან იმიტომ, რომ აღარ გახსოვს ცრემლები, უძილო ღამეები და ის დღეები, როცა საკუთარ თავსაც კი ვეღარ უგებდი, უბრალოდ, გულს ყოველთვის არ შეუძლია დაივიწყოს ის, ვინც ოდესღაც მთელი გულით უყვარდა. ყველაზე მტკივნეული კი ის არის, რომ ზოგჯერ ადამიანი, რომელმაც ყველაზე მეტად გატკინა, ისევ ის ადამიანია, ვის ჩახუტებასაც ყველაზე მეტად ნატრობ. იცი, რომ აღარაფერი იქნება ისეთი, როგორიც ადრე იყო, იცი, რამდენი რამ შეიცვალა, მაგრამ გულის ერთ პატარა კუთხეში მაინც ინახავ იმ მოგონებებს, სადაც ბედნიერი იყავი მასთან ერთად. და რაც არ უნდა ეცადო, იმ გრძნობას უბრალოდ ვერ წაშლი, თითქოს არასდროს არსებულა. ზოგჯერ სიყვარული სწორედ ეს არის გტკიოდეს და მაინც გიყვარდეს, გენატრებოდეს და მაინც ცდილობდე წინ წასვლას, გქონდეს ათასი მიზეზი, რომ გაუშვა, მაგრამ გულში მაინც ვერ იმეტებდე საბოლოოდ დასავიწყებლად. თუმცა ეს იმას არ ნიშნავს, რომ ტკივილი უნდა აიტანო ან საკუთარ თავს უღალატო მის გამო. შეიძლება ადამიანს ისევ ჰქონდეს შენს გულში ადგილი, მაგრამ ეს არ ნიშნავს, რომ შენს ცხოვრებაში დაბრუნების უფლებაც აუცილებლად უნდა ჰქონდეს. რადგან საბოლოოდ ხვდები, რომ სიყვარული მხოლოდ ის არ არის, რამდენად ძლიერად შეგიძლია ვინმეს შეყვარება. სიყვარული საკუთარი თავის გაფრთხილებაცაა, საკუთარი ღირსების შენარჩუნებაც და იმის გააზრებაც, რომ ზოგჯერ ყველაზე მეტად სწორედ იმ ადამიანისგან გჭირდება გაშვება, რომლის დაკარგვაც ყველაზე მეტად გტკივა. და მაინც… გულში ადგილი რჩება. არა იმიტომ, რომ ტკივილი არ ყოფილა, არამედ იმიტომ, რომ გრძნობა ნამდვილი იყო. შეიძლება ოდესმე ეს ადგილი აღარ გტკიოდეს, შეიძლება მოგონებად იქცეს, რომელსაც ღიმილით გაიხსენებ, მაგრამ დღესაც, ამდენი ტკივილის შემდეგ, შენს გულში მისთვის პატარა კუთხე არსებობს. და იქნებ სწორედ ეს არის ყველაზე ადამიანური რამ გული არ ივიწყებს მხოლოდ იმიტომ, რომ გონებამ უკვე იცის, რამდენი ტკივილის გადატანა მოუწია. A love that even pain couldn’t diminish.❤️‍🩹#foryoupage #fypシ゚ #foryou #globall - @nnnnn___07777