زما مشر ورور - مرحوم ګوهر علي زه د ګوهر علي کشر ورور منظور یم. ګوهر زما مشر ورور وو، خو د ورور نه زیات زما لپاره د پلار په شان وو. زه د بنیرې بالا د نرو په کلي کې د هغه په سیوري کې لوی شوم. زما مشر ورور ګوهر علي د نرو د غرونو په شان کلک، او د نرو د چینو په شان پاک زړه سړی وو. ټول کلي کې به خلکو هغه ته "زنده دل" وایه، ځکه چې هغه به هیڅکله خفه نه کیده، تل به یې نورو ته زړه ورکولو. کله چې به زه وړوکی وم، نو که چا به راته څه وویل، زه به منډه کړه او ګوهر ته به مې وویل. هغه به سمدستي پاڅیده او ویل به یې "د منظور څوک دی؟ دا زما ورور دی". د هغه د نوم نه خلک ویره دل، ځکه چې هغه باهادر وو، خو د هغه د زړه نه خلک مینه ورسره کوله، ځکه چې هغه نرم زړه وو. هغه زما لپاره یوازې ورور نه وو، هغه زما استاد وو، زما ساتونکی وو، زما ویاړ وو. نن زه کشر یم، خو بې اسرې یم. د کور دروازه چې ګورم، ښکاري چې ګوهر به راشي. د نرو په هره کوڅه کې د هغه قدمونو غږ مې تر اوسه اورم. مشره! تا ما ته دا ونه ښودل چې ستا نه بغیر به څنګه ژوند وکړم. الله دې تا ته جنت الفردوس نصیب کړه. ستا کشر ورور - منظور علي نرو کلی، بانیرې بالا - @manzoorjani838