@l..e93: آلاء حسين مو مجرد ممثلة، هي *لؤلؤة المسرح والشاشة العراقية* مثل ما يلقبوها. اجمل ما ينقال عنها: *آلاء حسين هي عشتار الشاشة العراقية*، فنانة مثقفة وأكاديمية الأولى على دفعتها بكلية الفنون الجميلة - جامعة بغداد، فنانة تشكيلية قبل لا تكون ممثلة. من 1998 لحد اليوم وهي باقية بالعراق رغم كل الظروف الصعبة، ورفضت تترك بلدها. مثل ما قالت زميلتها هند نزار: *"آلاء تستاهل تكون رقم واحد بالعراق، بالخبرة والجماهيرية وتستاهل تكون وجه العراق"* e1b5 هي فنانة تتعب على الشخصية، تمثل بعيونها وبتعبير وجهها بدون صراخ، حتى من مثلت المرأة الريفية الجنوبية وهي بنت بغداد - الوزيرية - اقنعت الكل كأنها من الجنوب. رصينة، محترمة، بعيدة عن الضجة، وجمالها جمال عراقي أصيل وهادئ، وفنها يخلد تضحيات الناس والشهداء. تستاهل كل الحب، لانها فنانة خلت الفن رسالة مو بس شهرة.