@donia.gebril: أوعى قلبك يقسى مهما الدنيا قسيت عليك، ومهما الناس وجعتك وخذلتك.. ❤️ خليك زي ما أنت، بطبعك الحلو وقلبك الحنين ونيتك الصافية، ومتخليش قسوة الأيام تغيّر أجمل حاجة فيك. مش كل الناس وحشة، ومش معنى إنك اتوجعت إنك لازم توجع غيرك، ولا إنك اتخذلت يبقى تقفل قلبك في وش الدنيا كلها. خليك حنين، حتى لو محدش حنّ عليك، وخليك طيب حتى لو قابلت ناس ما تعرفش قيمة الطيبة. مش ضعف إنك تفضل إنسان عنده رحمة، دي نعمة كبيرة من ربنا، حافظ عليها. وادعي دايمًا من قلبك: يارب، مهما الدنيا قست عليّا، ومهما شفت من الناس، ما تخليش قلبي يقسى، ولا روحي تتغير، ولا الطيبة اللي جوايا تنطفئ.. يارب قوّيني من غير ما تقسّيني، واجبرني من غير ما تحرمني من حنيتي، وخلّي قلبي دايمًا مليان رحمة ورضا. وتأكد إن ربنا اللي شايف تعبك وعارف اللي في قلبك، هو اللي هيسندك ويشيل عنك، ويقوّيك وقت ضعفك، ويعوّضك عن كل مرة كنت فيها محتاج سند وملاقيتش. 🤍 خليك حنين.. وربنا عمره ما بيضيّع قلب اختار يفضل نضيف رغم كل اللي شافه. 🤲🏻 #خليك_حنين #جبر_الخواطر #حسن_الظن_بالله #ربنا_السند #الشعب_الصيني_ماله_حل😂😂

Donia Gebril

Open In TikTok:

Region: EG

Wednesday 28 October 2026 00:51:15 GMT