UMRI PEKEE HAUTOSHI KUWA MUME, NA UMRI MDOGO HAUMAANISHI KUTOKUWA NA MAJUKUMU! Kuna wanaume wenye umri mkubwa kuliko wake zao, lakini cha kushangaza, wake zao ndiyo wanaobeba majukumu mengi ya familia. Mwanaume anatoka kazini, anachangia kiasi kidogo cha fedha, lakini mke ndiye anayepaswa kuhakikisha kila kitu kinaenda sawa: maji ya kuoga, maji ya kunywa, taka, usafiri na mahitaji mengine ya nyumbani. Sasa jiulize, kuna tofauti gani kati ya kijana anayeingia kwenye mahusiano akiwa na malengo ya kujenga maisha pamoja na mwenza wake, na mwanaume mzima anayejifanya amejipata kimaisha ilhali bado anahitaji kulelewa? Tatizo si umri, bali ni uwajibikaji na maandalizi ya kisaikolojia. Kuna vijana wanaingia kwenye mahusiano wakiwa tayari kujifunza, kujituma na kushirikiana na wenza wao. Lakini pia kuna wanaume wenye umri mkubwa ambao wanataka kuheshimiwa kama vichwa vya familia bila kutimiza wajibu unaoambatana na nafasi hiyo. Na je, mwanaume akifikia umri wa kustaafu au akipoteza uwezo wa kufanya kazi, je, ni sahihi kumdharau? Au mke anapaswa kuendelea kuwa naye na kumsaidia katika kipindi hicho cha maisha? TUJADILI KWA HESHIMA 👇 Je, ungechagua mwanaume mwenye umri mkubwa lakini asiye na uwajibikaji, au kijana mwenye malengo na anayejituma kujenga maisha pamoja nawe? Na kwa wanaume, je, kuwa kichwa cha familia kunamaanisha kuwa na umri mkubwa, au ni uwezo wa kuwajibika na kushirikiana na mwenza wako? - @madam_leila