ÇOX DOYUMLU LAVAŞ BÖRƏK Salam, hər vaxtınız xeyir, əziz izləyicilər. Həm səhər yeməyi, həm çay süfrəsi, həm də gün ərzində soyuq qəlyanaltı üçün əla seçimdir. Lazım olan ərzaqlar: • 8 ədəd - uzun lavaş • 3 ədəd - toyuq sinəsi • 1 ədəd - kök • 3 ədəd - xiyar turşusu • 3 ədəd - rəngli bibər • 2 ədəd - soğan • 150 qr - holland pendiri • 1 dəstə - cəfəri • Mayonez - (apardığı qədər) • Duz Üzəri üçün: • 2 yumurta sarısı + 1 y/q duru yağ • Küncüt və yaxud çörəkotu Hazırlanması: İlk olaraq toyuq sinələrini yuyub qazana qoyuruq və üzərinə su əlavə edirik. Su qaynayanda duz və istiot əlavə edirik. Çox dadlı olur toyuq əti. Soyuduqdan sonra əlimizlə didirik. Kökü təmizləyib rəndələyirik. Rəngli bibərlərin toxumlarını çıxarıb orta ölçüdə uzun-uzun doğrayırıq. Soğanı uzunvari doğrayır, cəfərini orta ölçüdə doğrayırıq. Holland pendiri rəndələyirik. Tavaya az miqdarda duru yağ əlavə edib soğanı yüngül qovururuq. Bir qədər duz səpib qarışdırırıq. Qızılı rəng alanda rəndələnmiş kökü əlavə edib birlikdə qovururuq. Daha sonra didilmiş toyuq ətini əlavə edib birlikdə qovururuq. Videoda görürsünüz bütün tərəvəzləri ardıcıl tavaya əlavə edib yüngül qovururuq. Hazırladığımız içliyin soyumağın gözləyirik. Lavaşları rulet formasında bükürük və ortadan kəsirik. Mən 8 ədəd uzun lavaşdan istifadə etdim və nəticədə 8 rulet əldə etdim. Ruletləri soba sinisinə düzüb üzərinə yumurta sarısı ilə duru yağ qarışığı çəkirik. Küncüt və yaxud çörəkotu səpirik. 220 *-də isidilmiş sobada üzəri qızaranadək təxminən 14–15 dəqiqə bişiririk. Əzizlərim, börəklər sobadan çıxan kimi çox xırçıltılı olur. İsti-isti doğradıqda ovula bilər. Ona görə 📌 20-25 dəqiqə gözləməyinizi məsləhət görürəm. Soyuduqdan sonra daha rahat kəsilir. Göz haqqınızı halal edin, əzizlərim. Videonu bəyənib like etməyi. abunə olmağı, fikirlərinizi yorum bölməsində yazmağı unutmayın. Allaha əmanət olun🙏🏻 #food #Recipe #ilmusenin_bisirdikleri #ilmuseninbisirdikleri - @ilmusenin_bisirdikleri