@salwaz23: 🥀🎶 يا جماعة، في أغاني كده اغاني من دهب 😍 ! في نص الليل، لمن الدنيا تهدأ والناس تنوم وتلقى روحك براك مع ذكرياتك تقوم تشغّل إبراهيم عوض… وفجأة تلقى قلبك رجع سنين لورا. تتذكّر زول كان قريب وبقى بعيد وضحكة كانت بتونس وحدتك، وكلام كان بيريّح قلبك، وأيام كنا فاكرنها ح تدوم، لكن الدنيا كان عندها رأي تاني...... الغُربة ما بس إنك تكون بعيد من أهلك وبلدك.... الغُربة الحقيقية إنك تكون وسط ألف زول... وجوّاك حنين لزول واحد… لا قادر تنساه ولا قادر ترجع ليهو. ياخ في ناس بنفتقدهم وما بنقدر نقول ليهم: وحشتونا..... وفي كلام بنموت ونقولو ... لكن الكبرياء بسكّتنا🤐🤐🤐 وفي دموع بتنزل من غير استأذن إبراهيم عوض ☝️♥️🎻 ما بغنّي وبس… مرات بغنّي الحاجات الاحنا م بنقدر نقولا والوجع البنداريهو من الناس. 💔 🦋🎻🦋 ربنا يجبر خاطر كل زول مشتاق وكل قلب شايل حكاية ما لقى ليها نهاية، وكل مغترب ضحكتو قدّام الناس ودمعتو شاهدة عليهو في الخفاء. مرات بنتمني لو الزمن يرجع ولو لدقيقة واحدة بس؟☝️ 🥀❤️ #إبراهيم_عوض #أبيت_الناس #أغاني_سودانية #وجع_الحنين #الغربة

Salwa Hassan

Open In TikTok:

Region: SA

Wednesday 28 October 2026 07:12:15 GMT