@never202625: လူတစ်ယောက်ကို မချစ်တော့တဲ့ခံစားချက်က အံ့ဩစရာတော့ ကောင်းသား။ အနှစ်နှစ်အလလ ရူးမတတ်ချစ်ခဲ့တဲ့ လူတစ်ယောက်။ အဲ့ဒီလူနဲ့ ပတ်သက်ရင် ပေးဆပ်ဖို့ပဲ တွေးနေခဲ့တဲ့ လူတစ်ယောက်။ “ဘယ်တော့မှ မမေ့နိုင်တော့ဘူး” လို့ ထင်ခဲ့တဲ့ လူတစ်ယောက်ကိုရုတ်တရက်ကြီးဘာခံစားချက်မှ မရှိတော့ဘူး။ အစပိုင်းမှာတော့ ကိုယ့်ကိုယ်ကို မေးမိတယ်။ ဒါဟာ လူတွေပြောတဲ့ “ဝဠ်ကြွေးကုန်သွားတာ” လား။ ဒါမှမဟုတ် “စိတ်ကုန်သွားတာ” လား။ အဖြေက ဘာပဲဖြစ်ဖြစ်… အဲ့ဒီအဖြေကို သိဖို့ထက် ကိုယ့်ရင်ထဲက ပြောင်းလဲသွားတဲ့ ခံစားချက်ကိုပဲ ပိုပြီး အံ့ဩမိတယ်။ အချစ်ဆိုတဲ့အရာကို “ဝဠ်ကြွေး” လို့ ခေါင်းစဉ်မတပ်ချင်ပေမဲ့လည်းကိုယ်ရင်ထဲကပြောင်းလဲသွားတဲ့ခံစားချက်ကိုကြည့်ရင်အဲ့စကားကိုငြင်းလည်းမငြင်းနိူင်ပြန်ဘူး။ တကယ်တော့ ကျွန်မက အယူသီးတတ်တဲ့ မိန်းကလေး မဟုတ်ပါဘူး။ ဒါပေမဲ့ သူနဲ့ပတ်သက်လာရင်တော့ အရာရာကို အယူသီးတတ်ခဲ့တယ်။ ဟင်းချက်ရင်း လက်ကို ဓားရှမိရင်တောင် “သူများ ဘာဖြစ်နေမလဲ” လို့ အရင်စိတ်ပူမိတယ်။ အိပ်မက် နည်းနည်းမကောင်းရင်တောင် တစ်ညလုံး အိပ်မပျော်ဘဲ သူ့အတွက်ပဲ စိုးရိမ်နေခဲ့ဖူးတယ်။ စကားပုံတစ်ခု ကြားဖူးတယ်။ “အပေါ်နှုတ်ခမ်းလှုပ်ရင် တစ်ယောက်ယောက်နဲ့ စကားများရတတ်တယ်” တဲ့။ အရင်တုန်းကတော့ အဲ့ဒီစကားကို အလေးအနက် မထားခဲ့ဖူးဘူး။ ဒါပေမဲ့ သူနဲ့ချစ်နေခဲ့တဲ့ အချိန်မှာတော့ နှုတ်ခမ်းလေး လှုပ်ရုံနဲ့တောင် “သူနဲ့ စကားများရတော့မလား…” လို့ တွေးပူခဲ့ဖူးတယ်။ တစ်လောကလုံးနဲ့ စကားများရ၊ ရန်ဖြစ်ရမယ်ဆိုလည်း ကျွန်မ မကြောက်ခဲ့ဘူး။ ဒါပေမဲ့ သူနဲ့တော့ စကားတစ်ခွန်းတောင် မများချင်ခဲ့ဘူး။သူ့ဆီက မက်ဆေ့ချ်တစ်စောင် နောက်ကျတာလေးတောင် အကြောင်းတစ်ခုခုများ ဖြစ်နေမလားဆိုပြီး အတွေးတွေနဲ့ ပြည့်နေခဲ့ဖူးတယ်။ သူနေမကောင်းဘူးဆိုတဲ့ စကားတစ်ခွန်း ကြားရရုံနဲ့လည်း ကိုယ်က ပိုပြီး မငြိမ်မသက် ဖြစ်ခဲ့ဖူးတယ်။ အဲ့ဒီလောက်အထိ ကိုယ့်ကိုယ်ကို မေ့ပြီး ချစ်ခဲ့တဲ့ ကျွန်မက အခုတော့ သူနဲ့ပတ်သက်လာရင် ဘာဆိုဘာမှ မခံစားရတော့ဘူး။ အရင်တုန်းကတော့ သူ့အကြောင်းဆို တစ်ရက်မှာ အခါတစ်ရာမက တွေးနေတတ်တဲ့ ကျွန်မ။ အလုပ်လုပ်နေရင်းလည်း သူ့ကို သတိရတယ်။ အိပ်ရာဝင်ခါနီးလည်း သူ့အကြောင်းတွေးတယ်။ ဘာလုပ်လုပ် သူနဲ့ပဲ ဆက်စပ်ပြီး တွေးနေမိခဲ့တယ်။ အခုတော့ တစ်နေ့တာလုံး ကုန်သွားတဲ့အထိ သူ့အကြောင်း တွေးမိရကောင်းမှန်းတောင် မသိတော့ဘူး။ အဲ့ဒီလို ပြောင်းလဲသွားတဲ့ ကိုယ့်ကိုယ်ကို တစ်ခါတလေ ပြန်တွေးမိတိုင်း တကယ် အံ့ဩနေမိတယ်။အရင်တုန်းကရင်ခုန်ခဲ့ဖူးတဲ့အမှတ်တရတွေကိုပြန်တွေးမိရင်တောင် အရင်လိုရင်မခုန်တော့ဘူး။အမှတ်တရတွေကကျန်နေသေးတယ်ဒါပေမဲ့ခံစားချက်တွေကမကျန်တော့ဘူး။ သူပျော်နေလား၊ ဝမ်းနည်းနေလား ဘယ်မှာရှိနေလဲ၊ ဘာလုပ်နေလဲ အရင်လို သိချင်စိတ်တွေလည်း မရှိတော့ဘူး။ မုန်းသွားတာလည်း မဟုတ်ဘူး။ ချစ်နေသေးတာလည်း မဟုတ်ဘူး။ သူ့ကိုချစ်ခဲ့ရတာအတွက် နောင်တမရဘူး။ ဒါပေမဲ့ ပြန်လိုချင်စိတ်လည်း မရှိတော့ဘူး။ တစ်ချိန်က “သူမရှိရင် မနေနိုင်ဘူး” လို့ ထင်ခဲ့တဲ့ ကျွန်မက အခုတော့ သူမရှိတဲ့ဘဝကိုလည်း အေးအေးချမ်းချမ်း ဖြတ်သန်းတတ်လာပြီ။အချစ်ဆိုတာ တစ်ခါတလေ မုန်းလို့ အဆုံးသတ်တာ မဟုတ်ဘူး။ မျှော်လင့်ချက်တွေ ကုန်သွားလို့၊ နာကျင်မှုတွေ များလွန်းသွားလို့၊ နှလုံးသားက တဖြည်းဖြည်း အေးစက်သွားတာမျိုးလည်း ရှိတယ်။ နောက်ဆုံးတော့ နားလည်လာတာ တစ်ခုရှိတယ် လူတစ်ယောက်ကို ရူးလောက်အောင် ချစ်ခဲ့ဖူးသလို အဲ့ဒီလူကို ရင်ထဲကနေ တိတ်တိတ်လေး ထုတ်ပစ်နိုင်တဲ့နေ့လည်း ရှိလာတတ်တယ်။ တချို့လူတွေက ကိုယ့်ဘဝထဲကို “အတူလျှောက်ဖို့” ရောက်လာတာ မဟုတ်ဘူး။ တစ်ခါတလေ… ကိုယ် ဘယ်လောက်ထိ ချစ်တတ်ခဲ့လဲဆိုတဲ့ အမှတ်တရတစ်ခုအဖြစ်ပဲ ကျန်ခဲ့ကြတာပါ။#crdစာသား #fypシ゚viral🖤tiktok

Thaw♓🩵

Open In TikTok:

Region: US

Wednesday 28 October 2026 15:29:50 GMT