ငွေစီမံနည်း (၂၄) ခု ... ၁။ ဘာဝယ်ဝယ်ဈေးဆစ်ပါ။ တစ်ခါဝယ် တစ်ခါသက်သာပါများရင် ကြီးမားတဲ့ စုဆောင်းမှု ဖြစ်လာပါတယ်။ ၂။ ပထမဆုံးအလုပ်တိုင်း တစ်သက်လုံး အခြေချဖို့မဟုတ်ဘူး။ မတိုးတက်ရင် အလုပ်သစ်ပြောင်းပါ။ ၃။ ရည်မှန်းချက်ရှိပြီး အလုပ်တအားလုပ် သူတွေနဲ့ပေါင်းပါ။ မင်းပါ ပျင်းရမှာရှက်ပြီး အလုပ်လုပ်လာလိမ့်မယ်။ ၄။ ကျန်းမာရေးလိုက်စားဖို့ အချိန်၊ ပိုက်ဆံ သုံးပါ။ တစ်သက်လုံး သက်လုံကောင်းကောင်းနဲ့ ငွေရှာနိုင်ဖို့ပါ။ ၅။ ပန်းတိုင်ရှိပြီးသားဆို ဆိုရှယ်မီဒီယာ ပေါ်က တခြားသူတွေနဲ့ မင်းကိုယ်မင်း လိုက်မယှဉ်ပါနဲ့။ ကြိုးစားနေတဲ့ မင်းက တစ်နေ့ သူတို့ထက်ပိုသာနိုင်ပါတယ်။ ၆။ စားပြီး ပိုတာ ပုံမှန့်စုနေတာထက် ပြန်ရင်းနှီးမြှုပ်နှံတာက တိုးတက်မှုပိုမြန်ပါတယ်။ ၇။ အသက် ၆ဝ ဆိုတာ ခဏလေး ရောက်လာတာပါ။ မယုံရင် မင်းဘေးက လူကြီးတွေကိုကြည့်ပါ။ ငယ်ငယ်က လိမ်လိမ်မာမာမစုဆောင်းခဲ့လို့ နောင်တရနေတဲ့ သူတွေ အများကြီးပဲ။ ၈။ သုညဘဝဆိုရင် ဝန်ထမ်းအရင်လုပ်ပါ။ ရတဲ့လစာကနေ ဝန်ထမ်းခန့်လာနိုင်တဲ့ လုပ်ငန်းရှင်ဖြစ်လာအောင် လုပ်ပါ။ ၉။ ပညာရပ်တိုင်းကို လေးလေးစားစားနဲ့ အမြဲသင်ယူလေ့လာပါ။ ဒါတွေက မင်းတစ်ဘဝလုံး သုံးစွဲမကုန်နိုင်တဲ့ အရင်းအနှီးကောင်းတွေပါ။ ၁၀။ ဖြတ်လမ်းနည်းတွေနဲ့ လောဘဇော နောက်မလိုက်နဲ့။ ချောက်ထဲကျပြီးရင် ဘဝက ပြန်တက်ရခက်တယ်။ ၁၁။ အမှားလုပ်မိမှာ မကြောက်ပါနဲ့။ သင်ခန်းစာယူပြီး ပြန်ရှေ့ဆက်ရမှာလည်း မကြောက်ပါနဲ့။ ၁၂။ ကိုယ့်မှာဘာမှမရှိခင် လူတွေ အထင်ကြီးမခံချင်ပါနဲ့။ မိတ်ဆွေတုတွေပဲ မင်းအနားရောက်လာလိမ့်မယ်။ ၁၃။ လိုအပ်တာပဲဝယ်ပါ။ ရေရှည် ငွေကြေးကုန်ကျမှုများပြီး ကိုယ့်အတွက် ဝန်ပိုစေမှာတွေ မဝယ်ပါနဲ့။ ၁၄။ ပစ္စည်းကောင်းတယ်ဆို တစ်ပတ်ရစ် သုံးရမှာ မရှက်ပါနဲ့။ ၁၅။ ဘယ်အချိန်မှာဖြစ်ဖြစ် သုံးလစာ အရေးပေါ်စရိတ် အမြဲချန်ထားတာက တစ်သက်လုံး အကြွေးကင်းစေ ပါတယ်။ ၁၆။ မင်း ဘယ်လောက်ဝင်ပြီး ဘယ်နေရာ တွေမှာသုံးနေတယ်ဆိုတာ အမြဲသတိရှိပါ။ ၁၇။ ဘယ်လောက်ဝယ်ချင်ချင် ၂၄ နာရီ စောင့်ပြီး အဲ့အချိန်ထိ တကယ်ဝယ်ချင် သေးတယ်၊ လိုအပ်တယ်ဆိုမှ ဝယ်ပါ။ ၁၈။ ရေတိုစိတ်ပျော်ရွှင်မှုထက် ရေရှည် စိတ်ဖိစီးမှုမဖြစ်မယ့်အရာတွေကို ဦးစားပေးရွေးချယ်ပါ။ ၁၉။ ချက်ပြုတ်တတ်အောင်သင်ပါ။ ချက်ပြုတ်စားပါ။ တစ်သက်လုံးအတွက် ကုန်ကျသက်သာပါတယ်။ ၂၀။ Brand ဆိုတာထက် ပစ္စည်းကောင်းပြီး ဈေးသက်သာတာကို သုံးတတ်တဲ့ အကျင့်လုပ်ပါ။ ၂၁။ ပေါင်းသင်းဆက်ဆံရေးကောင်းတာက အခွင့်အလမ်းကောင်းတွေရရှိမယ့် လမ်းကြောင်းတစ်ခုပါ။ ၂၂။ ရင်းနှီးလွန်းရင် ပိုက်ဆံမချေးပါနဲ့။ ပေးနိုင်ရင် အပြတ်ပေးပါ။ ၂၃။ ငွေကြေးကို ဘဝအတွက်အသုံးချပါ။ ငွေကြေးက မင်းဘဝကို အသုံးချသွားတာ မျိုးအဖြစ်မခံပါနဲ့။ ၂၄။ ချက်ချင်းချမ်းသာသွားတာ ရုပ်ရှင် ထဲမှာပဲရှိပါတယ်။ ချမ်းသာချင်ရင် စိတ်ရှည်ရှည်ကြိုးစားဖို့လိုပါတယ်။#creatorsearchinsights #foryou #fyp #tiktokviral #money - @.naymin48