@hein.khant.hlaing: မိန်းကလေးတော်တော်များများက ထင်တတ်ကြတယ် ယောက်ျားလေးတစ်ယောက်က ကိုယ့်ကို အချိန်ပြည့် မက်ဆေ့ချ်မပို့တော့ဘူး အရင်လို စကားတွေအများကြီး မပြောတော့ဘူး၊ ဒါမှမဟုတ် အရင်လောက် အလိုမလိုက်တော့ဘူးဆိုရင် “သူ ငါ့ကို သွေးအေးသွားပြီ အချစ်လျော့သွားပြီ” လို့ပေါ့ ဒါပေမဲ့ လက်တွေ့မှာ ယောက်ျားလေးတစ်ယောက်ရဲ့ အချစ်ကို ဖော်ပြပုံက မိန်းကလေးတွေ ထင်ထားတာနဲ့ မတူတဲ့အချိန်တွေ ရှိတတ်တယ် တကယ်ချစ်မိလာတဲ့အခါ စကားလုံးတွေနဲ့ ချစ်ကြောင်းပြောပြနေတာထက် လက်တွေ့ဘဝမှာ တာဝန်ယူနိုင်ဖို့ အနာဂတ်အတွက် ကြိုးစားဖို့ဆိုတဲ့ အရာတွေကို ပိုအလေးထားလာတတ်တယ် အဲဒီအပြောင်းအလဲကို နားမလည်မိတဲ့အခါ နှစ်ယောက်ကြားမှာ နားလည်မှုလွဲတာတွေ ဖြစ်လာတတ်ကြတာပါပဲ ချစ်ခါစအချိန်မှာတော့ သူ့ရဲ့အာရုံစိုက်မှုအားလုံးက ကိုယ့်ဆီမှာပဲ ရှိနေတတ်တယ် ကိုယ့်ရဲ့အချစ်ကို ရဖို့ ကြိုးစားနေတဲ့အချိန် ဖြစ်နေလို့ပေါ့ ဒါပေမဲ့ ကိုယ့်ကို တကယ်လေးလေးနက်နက် ချစ်မိပြီး ကိုယ့်ကို သူ့ဘဝရဲ့အနာဂတ်ထဲအထိ ထည့်သွင်းစဉ်းစားလာတဲ့အခါ သူ့ရဲ့အတွေးတွေက ပြောင်းလဲလာတတ်တယ် ကိုယ်နဲ့ ဖုန်းထိုင်ပြောနေဖို့ထက် ကိုယ်နဲ့အတူ ဘဝတစ်ခုတည်ဆောက်နိုင်ဖို့ အလုပ်ကို ပိုကြိုးစားလာမယ် နှစ်ယောက်ရဲ့အနာဂတ် အဆင်ပြေဖို့၊ ကိုယ့်ခြေထောက်ပေါ် ကိုယ်ရပ်တည်နိုင်ဖို့ ငွေရှာတာနဲ့ ကိုယ့်ဘဝကို တည်ဆောက်တာတွေမှာ ပိုအာရုံစိုက်လာတတ်တယ် အဲဒီအခါ မိန်းကလေးဘက်က “သူ ငါ့ကို အချိန်မပေးတော့ဘူး အလုပ်ပဲ ဦးစားပေးနေတယ်” ဆိုပြီး အထင်လွဲမိတတ်ကြတယ်။ တကယ်တော့ သူ့ရဲ့ကြိုးစားမှုတွေထဲမှာ ကိုယ်လည်း ပါဝင်နေနိုင်တယ်ဆိုတာကို မမြင်မိကြတာပါပဲ နောက်ထပ် နားလည်မှုလွဲတတ်တဲ့အချက်တစ်ခုက “သူ ဆရာလုပ်လွန်းတယ် ချုပ်ချယ်လွန်းတယ်” ဆိုပြီး ထင်သွားကြတာပါ ကိုယ်နေမကောင်းဖြစ်မှာစိုးလို့ သတိပေးတာ အန္တရာယ်ဖြစ်မှာစိုးလို့ စိုးရိမ်ပေးတာ ကိုယ့်အမှားတွေကို မြင်တဲ့အခါ ပြုပြင်စေချင်လို့ ထောက်ပြတာတွေဟာ တစ်ခါတလေ မချစ်တော့လို့ မဟုတ်ဘဲ ဂရုစိုက်တဲ့စိတ်ကြောင့် ဖြစ်နေနိုင်တယ် တကယ်ချစ်တဲ့သူတစ်ယောက်က ကိုယ်ပျော်နေတာကိုပဲ မြင်ချင်တာမဟုတ်ဘူး ကိုယ်အဆင်ပြေတဲ့ဘဝတစ်ခု ပိုင်ဆိုင်နိုင်ဖို့နဲ့ ကိုယ့်အမှားတွေကြောင် နောင်တရရမယ့်အခြေအနေတွေ မကြုံရဖို့ကိုလည်း စဉ်းစားပေးတတ်တယ် ဒါပေမဲ့ ဂရုစိုက်တယ်ဆိုတာ ကိုယ့်သဘောကို အတင်းလိုက်နာခိုင်းတာ မဟုတ်သလို ချစ်တယ်ဆိုတာနဲ့ ကိုယ့်ရဲ့လွတ်လပ်ခွင့်ကို ပိတ်ပင်ပိုင်ခွင့်လည်း မရှိဘူး တကယ်နားလည်မှုရှိတဲ့ အချစ်ဆိုတာ တစ်ယောက်ကိုတစ်ယောက် ပြုပြင်ပေးရင်း လေးစားမှုကိုပါ ထိန်းသိမ်းထားနိုင်တာပါပဲ ဒါ့အပြင် ယောက်ျားလေးတစ်ယောက်က တကယ်ချစ်မိလာတဲ့အခါ သူ့ရဲ့စိတ်ဖိစီးမှုတွေနဲ့ အခက်အခဲတွေကို ချစ်သူရှေ့မှာ အမြဲဖွင့်မပြောဘဲ တိတ်တဆိတ် ဖြေရှင်းဖို့ ကြိုးစားတတ်တယ် အဲဒီအခါ မိန်းကလေးဘက်က “သူ ငါ့ကို ရင်မဖွင့်တော့ဘူး အရင်လို မရင်းနှီးတော့ဘူး” လို့ တွေးပြီး ဝမ်းနည်းမိတတ်ကြပြန်တယ် တကယ်တော့ တချို့ယောက်ျားလေးတွေက ကိုယ့်ရဲ့ပင်ပန်းမှုတွေကို ချစ်သူဆီ မပို့ချင်လို့ ကိုယ်ချစ်ရတဲ့သူကို စိတ်ပူစရာတွေ မများစေချင်လို့ သူ့ဘာသာ ကြိတ်မှိတ်ဖြေရှင်းနေတတ်ကြတာပါ ဒါပေမဲ့ အရာအားလုံးကို တစ်ယောက်တည်း ခံစားဖြေရှင်းနေတာကလည်း အမြဲတမ်း မှန်ကန်တဲ့နည်းလမ်း မဟုတ်ဘူး တကယ်လက်တွဲချင်တဲ့သူဆိုရင် ကိုယ့်အခက်အခဲတွေကို မျှဝေတတ်ဖို့နဲ့ ချစ်သူရဲ့အားပေးမှုကို လက်ခံတတ်ဖို့လည်း လိုအပ်ပါတယ် ဒါကြောင့် ဒီစာလေးကို ဖတ်နေတဲ့ ညီမလေးတို့ အစ်မတို့ကို ပြောချင်တာက ကိုယ့်ချစ်သူကောင်လေးရဲ့ အပြောင်းအလဲတွေကို မြင်တဲ့အခါ မျက်စိနဲ့မြင်ရတဲ့ အပြုအမူတွေကိုပဲ ကြည့်ပြီး ချက်ချင်းဆုံးဖြတ်မချလိုက်ပါနဲ့ သူ့ရဲ့စိတ်ရင်း ကိုယ့်အပေါ်ထားတဲ့ သဘောထားနဲ့ လက်တွေ့လုပ်ဆောင်ပေးနေတဲ့ အရာတွေကိုပါ သေချာကြည့်ပေးပါ အရင်လို စကားလုံးလှလှလေးတွေ မပြောဖြစ်တော့ပေမဲ့ ကိုယ့်အတွက် ဘယ်လောက်ကြိုးစားပေးနေလဲဆိုတာကိုလည်း မြင်အောင်ကြည့်ပေးပါ တစ်ဖက်မှာလည်း ကိုယ့်ရဲ့ခံစားချက်တွေကို သူသိအောင် ပြောပြဖို့ မမေ့ပါနဲ့ သူ့ဘက်က ကြိုးစားမှုတွေကို ကိုယ်နားလည်ပေးသလို ကိုယ့်ဘက်က လိုအပ်နေတဲ့ အချိန်ပေးမှုနဲ့ ဂရုစိုက်မှုတွေကိုလည်း သူနားလည်ပေးနိုင်ဖို့ လိုတယ် အချစ်ရေးတစ်ခု ခိုင်မာဖို့ဆိုတာ တစ်ယောက်ကပဲ အမြဲနားလည်ပေးနေရတာ မဟုတ်ဘူး နှစ်ယောက်စလုံးက တစ်ယောက်ရဲ့စိတ်ကို တစ်ယောက် နားလည်အောင် ကြိုးစားပေးရတာပါ ကျွန်တော်မြင်တာက ယောက်ျားတစ်ယောက်ရဲ့ အနက်ရှိုင်းဆုံးအချစ်ဆိုတာ နှုတ်ဖျားပေါ်က “ချစ်တယ်” ဆိုတဲ့ စကားတစ်ခွန်းတည်းမှာပဲ ရှိနေတာမဟုတ်ဘူး ကိုယ့်အတွက် အနာဂတ်တစ်ခု တည်ဆောက်ဖို့ ကြိုးစားပေးတာ အခက်အခဲတွေကြားမှာ တာဝန်ယူပေးတာ ကိုယ့်အပေါ် သစ္စာရှိပေးတာနဲ့ ကိုယ့်ခံစားချက်တွေကို တန်ဖိုးထားပေးတာတွေထဲမှာလည်း ရှိနေတတ်တယ် စကားလုံးတွေက အချစ်ကို ဖော်ပြပေးနိုင်တယ်။ ဒါပေမဲ့ လက်တွေ့လုပ်ရပ်တွေက အဲဒီအချစ်ရဲ့ အနက်အဓိပ္ပာယ်ကို သက်သေပြပေးတယ်။ အချစ်ဆိုတာ တစ်ယောက်ကိုတစ်ယောက် ချစ်နေရုံတင်မဟုတ်ဘဲ နားလည်မှု၊ ယုံကြည်မှုနဲ့ တာဝန်ယူမှုတွေကို အတူတကွ တည်ဆောက်သွားနိုင်ခြင်းလည်း ဖြစ်ပါတယ် #အချစ်ရေး #ယောက်ျားလေးအမြင် #နားလည်မှု

Hein Khant Hlaing

Open In TikTok:

Region: KZ

Wednesday 28 October 2026 23:10:50 GMT