សាកល្បងវិធីនេះឱ្យបានខ្ជាប់ខ្ជួនរយ:ពេលបីខែ អ្នកនិងភ្ញាក់ផ្អើលជាមួយនិងលទ្ធផល‼️ 🚶‍♂️ផ្ទុយពីការត់ត្រឹកៗ ការដើរលឿន រឺដើរដោយរហ័ស (Brisk Walking) គឺជាប្រភេទលំហាត់ប្រាណដ៏ល្អពិសេសសម្រាប់សុខភាពដែលត្រូវបានណែនាំដោយគ្រូពេទ្យជំនាញ។ គោលបំណងនៃការដើរនេះ គឺដើម្បីធ្វើឱ្យចង្វាក់បេះដូងលោតញាប់ និងដកដង្ហើមលឿនជាងធម្មតា តែមិនលឿនដូចពេលដែលអ្នករត់នោះទេ ដែលអាចនាំមកនៅគុណវិបត្តិដល់សុខភាពរបស់អ្នករត់ខ្លួនឯងវិញ។ ❇️ ការដើរលឿនបានផ្តល់នូវអត្ថប្រយោជន៍ជាច្រើនដូចជា៖ -ពង្រឹងសុខភាពបេះដូង និងប្រព័ន្ធសរសៃឈាម។ -ជួយបញ្ចុះសម្ពាធឈាម។ -ជួយគ្រប់គ្រងកម្រិតជាតិស្ករក្នុងឈាម។ -ជួយគ្រប់គ្រងទម្ងន់រាងកាយ។ -ជួយសម្រួលចរន្តឈាម និងបង្កើនកម្លាំងស៊ូទ្រាំ។ -កាត់បន្ថយភាពតានតឹង និងជួយឱ្យគេងលក់ស្រួល។ -មិនដាក់សំពាធខ្លាំងទៅលើក្បាលជង្គង់ ដែលងាយធ្វើឱ្យអ្នកប្រឈមនិងការឈឺក្បាលជង្គង់ដូចពេលរត់ហាត់ប្រាណ។ ✅អការដែលបង្ហាញថា ថាអ្នកកំពុងដើរលឿនគឺ៖ -បេះដូងលោតញាប់ជាងធម្មតា។ -ដកដង្ហើមញាប់ជាងធម្មតាបន្តិច។ -អ្នកអាចចាប់ផ្តើមបែកញើសតិចៗ ពេលខ្លះមានអារម្មណ័ថាដូចមានកម្តៅក្តៅភាយៗចេញពីក្នុងខ្លួន។ 🤔🤔ដូច្នេះ តើគួរដើររយៈពេលប៉ុន្មានទើបល្អ? សម្រាប់មនុស្សពេញវ័យដែលមានសុខភាពល្អ៖ -ដើរលឿន ៣០ នាទីក្នុងមួយថ្ងៃ ចំនួន ៥ ថ្ងៃក្នុងមួយសប្តាហ៍ ដែលស្មើនឹង ១៥០ នាទីក្នុងមួយសប្តាហ៍។ រយ:ពលនេះគឺសមស្របទៅតាមការណែនាំរបស់អង្គការសុខភាពពិភពលោក។ ✅ ដើម្បីអនុវត្តន៍ឱ្យបានត្រឹត្រូវ អ្នកត្រូវផ្តើមដោយ៖ -ដើរធម្មតាពី ២ ទៅ ៣ នាទីជាមុនសិន ហើយចាប់ផ្តើមដើរញាប់ទៅៗបន្តិចម្តងៗ រហូតអ្នកគិតថាជាល្បឿនមួយថេរ។ -បន្ថយល្បឿនបន្តិចម្តងៗរយ:ពេល ៣ ទៅ ៥ នាទីចុងក្រោយនូវពេលដែលអ្នកចង់បញ្ចប់ការដើររបស់អ្នក។ ‼️សូមចាំថា សូមកុំបង្ខំខ្លួនឯង ! ចូរដើរតាមដែលអាចអ្នកធ្វើទៅបាន។ ការអនុវត្តន៍ដដែលៗរៀងរាល់ថ្ងៃនិងអាចធ្វើឱ្យរាងកាយអ្នករឹងមាំ និងសម្របបាននិងការផ្លាស់ប្តូរថ្មី។ - @vann555555