@salcedopostwethe_his_him: BIYAHE PA LANG, PAGOD KA NA Araw-araw ganito ang nararanasan ng mga manggagawang Pilipino. Alas singko pa lang ng umaga, gising ka na. Pipila ka ng mahaba, makikipag-unahan, makikipag-siksikan sa tren, sa bus, sa jeep. Pawis, init, tulakan, halos hindi ka na makahinga. Pagdating mo sa trabaho, pagod ka na. Pero bawal mapagod, kasi kailangan mong kumayod para mabuhay. Kawawa ang kababayan natin. Hindi tamad ang Pilipino. Sadyang wala lang talagang maayos na transportasyon. Ilang dekada na, ganito pa rin ang sistema. Palala ng palala, pasikip ng pasikip. Real talk lang, bakit hindi subukan ng mga nasa gobyerno na mag-commute papuntang trabaho? Sumakay sa tren ng rush hour, pumila ng isang oras sa bus, makipag-siksikan sa jeep. Hindi yung naka-aircon na SUV at naka-convoy pa na akala mo hari kung dumaan at pinapatabi pa lahat. Doon nila mararamdaman kung ano ang tunay na kalbaryo ng ordinaryong Pilipino. Sa ibang bansa, ang transportasyon ang NUMBER ONE PRIORITY. Maayos, mabilis, komportable, may dignidad ang pasahero. Kasi alam ng gobyerno nila na kapag maayos ang biyahe, mas produktibo ang manggagawa, mas maayos ang ekonomiya, mas maginhawa ang buhay ng tao. Dito sa atin baliktad. Huli ang transportasyon sa prayoridad. Kaya bago ka pa makarating sa pangarap mo, ubos ka na sa biyahe pa lang. Panahon na para unahin ang transportasyon. Hindi ito luho. Hindi ito extra. Ito ay pangangailangan. Karapatan ng bawat manggagawang Pilipino na makabiyahe ng maayos, ligtas, at may dignidad. Saludo sa lahat ng Pilipinong araw-araw lumalaban sa ganitong sistema. Kayo ang tunay na bayani. #hustleoverslavery #soulsaidpost #salcedopostwet #fyp #foryou

Soul said Post🇵🇭🌏

Open In TikTok:

Region: PH

Thursday 29 October 2026 02:22:18 GMT