@kaung6627: ငါတို့ လူငယ်ဘဝ - ၂ ------------------------------ ဖဲချပ်တွေ ဖွင့်ဆိုလိုက်တဲ့ အနက်အဓိပ္ပာယ်မှာ စပိတ်တစ်ကို အကြိုက်ဆုံးပဲ။ အဲဒီတုန်းက ငါတို့ လူငယ် လပြည့်ညနဲ့ တွေ့တိုင်း ကျောင်းပြေးနေကျ၊ ရင်သားကို အရမ်းဘာသာပြန်မိတဲ့ ယောက်ျားတွေထဲ ငါတို့မပါခဲ့ နို့ရည်ဟာ နောက်တစ်ခေတ်ကို နှိုးမယ့် သွေးလို့ ငါတို့ ယုံကြည်ခဲ့ အဲဒီတုန်းက ငါတို့ လက်မဖြောင့်သေးဘူး လွဲချော်မှုများပေါ် လေ့လာနေတုန်း လက်ဖက်ရည်ဆိုင် ထိုင်ကြတယ် လနဲ့ လိုက်ဖက်မယ့် အသံကို ရှာကြတယ် လယ်ကွင်းပြင် လေတဟူးဟူးမှာ စွန်လွှတ်ကြတယ် ဘဝကို စွန့်လွှတ်ဖို့တော့ ဘယ်တော့မှ မကြိုးစားခဲ့ စတိုးဆိုင်ထဲ ဝင်မိရင် ေသနတ်ကို စမ်းမိသူနဲ့ ဓားကို ကိုင်မိသူနဲ့ အဝတ်အထည်ပေါ် ပြိုကျမိသူနဲ့ ငါကတော့ စားပွဲပေါ်တင်ထားတဲ့ စားပွဲတင် ကမ္ဘာလုံးပုံလေး အကြိုက်ဆုံးပဲ၊ အဲဒီတုန်းက ငါတို့ဟာ သူတစ်ပါးထင်းကို ခုတ်ပေးခဲ့ကြတယ် သူတစ်ပါး အိမ်ကို မိုးပေးခဲ့ကြတယ် သူတစ်ပါး ကလေးကိုတောင် ဝိုင်းထိန်းပေးခဲ့ကြ ငါတို့ ယုံကြည်မှုအတွက်တော့ ငါတို့ကို ဘယ်သူမှ မထိန်းနိုင်ခဲ့ဘူး။ အဲဒီတုန်းက ငါတို့ဟာ မှန်သလား၊ မှားသလား မေးခွန်းတွေ မရှိဘူး ရေနာရီ နေနာရီ လက်ပတ်နာရီ မသိဘူး ငါတို့ဟာ ကမ္ဘာကြီးနောက်ကို မလိုက်ဘူး ကမ္ဘာကြီးသာ ငါတို့နောက် လိုက်ရမယ် Follow me မိုရှည်ဓာရမ်တံဆိပ်နဲ့ အဲဒီတုန်းက ငါတို့ လူငယ် ကမ္ဘာကို မဝယ်နိုင်သေးပေမဲ့ ကမ္ဘာကို ကယ်နိုင်ဖို့ စတင်နေပြီ။ ▪ခိုင်မြဲကျော်စွာ ( Beauty မဂ္ဂဇင်း၊ မေ၊ ၂၀၀၄။) #poetrylover #poetry #ကဗျာအချိန် #songlyrics

꧁ᴹᵞᴬᵀ ᴸᵂᴵᴺ (ᴾᵒᵉᵐ)꧂

Open In TikTok:

Region: MM

Thursday 29 October 2026 05:41:38 GMT