@wi.js0: من البواجي عليك ماضلت عليون وانشد عليك الناس كالولي مسجون💔😔 . يابويه شگد صعبة من أريدك وألكاك مو يمي، شگد صعبة من أشوف الناس ويا آبائهم وأبقى ساكت، وأگول بگلبي ليش أني أبويه بعيد عني؟ والله يا بويه مو بس إنتَ المسجون، حتى أني روحي محبوسة من دونك، كلشي بالدنيا ما إله طعم وإنتَ مو بيناتنا. مرات أريد أحچي وياك وأفضفضلك عن كلشي بداخلي، عن تعبي وعن همومي وعن شگد مشتاقلك، بس ما أگدر غير أصبر وأنتظر اليوم اللي أشوفك بيه. يابويه، آني ما أريد من هالدنيا شي، گد ما أريد أشوفك راجع لبيتك، وأركض عليك وأحضنك وأشم ريحتك، وأگلك: يابويه الحمد لله عالسلامة، بعد ما أخلي شي يبعدني عنك. الله يعلم شگد مشتاقلك، وشگد كل ليلة أدعي ربي يفرّجها عليك ويردّك إلنا سالم. يابويه، مكانك فارغ، وضحكتنا مو مثل قبل، وحتى البيت من دونك أحسّه مو بيت. الله لا يحرمني منك، ويجي اليوم اللي أكتب بيه: أبويه رجع، وانتهى الوجع. 💔