@negativuashur: ❄️ QISH KELYAPTI. O‘ZBEKISTON QISHGA TAYYORMI? Qish yaqinlashyapti. Ammo ko‘pchilik uchun qish — faqat sovuq emas. Bu gaz bosimining pasayishi, elektr uzilishlari va gaz ballonlarini kutish tashvishi hamdir. Endi aholiga gaz o‘rniga elektr energiyasi bilan isinish tavsiya etilmoqda. Lekin elektr tarmoqlari qishki yuklamaga tayyormi? Sovuq kunlarda chiroq o‘chsa, gaz ham bo‘lmasa, odamlar nima qiladi? Ayni paytda Mo‘ynoqdagi «G‘arbiy Quyi Surgil» konining 19-sonli qudug‘idan gaz olingani haqida xabar berildi. Sinov jarayonida quduqning sutkalik debiti 400–500 ming kub metrni tashkil etgani aytilmoqda. Bu, albatta, quvonarli xabar. Ammo yana bir savol bor: yangi quduqdan olingan gaz aholi xonadonlariga qachon yetib boradi? Qishloqlarda gaz bosimi qachon barqarorlashadi? Gaz ballonini haftalab kutayotgan oilalar muammosi qachon hal bo‘ladi? Elektr bilan isinishga o‘tgan aholiga uzluksiz elektr ta’minoti kafolatlanadimi? Chunki odamlar uchun eng muhim natija hisobotlardagi raqamlar emas. Uy issiqmi? Chiroq yonib turibdimi? Oila bemalol ovqat tayyorlay olyaptimi? Qish har yili keladi. Uning kelishini oldindan bilish uchun folbin bo‘lish shart emas. Demak, qishga tayyorgarlik ham har yili takrorlanadigan, oldindan hal qilinishi kerak bo‘lgan vazifadir. Qishning kelishi favqulodda hodisa emas. Unga tayyor bo‘lmaslik esa javob talab qiladigan masala. 💬 Siz yashaydigan hududda gaz va elektr ta’minoti qanday? Fikringizni izohlarda yozib qoldiring. #Uzbekistan #Qish #Gaz #Energetika #Muammo

Ulug'bek Ashur (NEGATIV)

Open In TikTok:

Region: FR

Thursday 29 October 2026 06:29:58 GMT