@mutasim__1969: *سيدي عبد السلام الأسمر* - مش مجرد شيخ وخلاص، راجل زاهد، الدنيا ما كانتش في قلبه بكل. حوايجه مقطع، ياكل اللي يجي، وهمه كله ربي وعبادته. يبات الليل كله يصلي، والناس راقدة وهو يناجي في ربي، عشان هكي سموه *الأسمر*، من كثر سهره في الليل. لكن مع زهده، يده مفتوحة، عمره ما رد حد. أسس زاويته في زليتن قبل 600 عام، دارها جامع ودار قرآن، وقال: اللي ما عنداش وين يبات يبات هني، واللي جيعان ياكل هني. ومن هذاك اليوم لتوا، زاويته ما سكرتش انا الليل واطراف النهار ، لا حرب سكرتها، لا فقر، لا دنيا. القرآن يقرا فيها ليل نهار من 500 سنة ما وقفش ولا يوم، والخير ديما موجود للضيف وللطالب وللمسكين. هذا هو العطاء يا صاحبي: راجل مات من 600 عام، ومزال خيره يوكل في الناس، ومزال اسمه يلم في الناس، ومزال طلبة القرآن يتخرجو من زاويته حافظين كتاب الله. الناس اللي تحب الدنيا ماتت وانتست، والراجل اللي زهد في الدنيا عاش 600 عام بذكره. ربي ينفعنا ببركته، وعلمه وعطاه تحت لواء سيدنا وحبيبنا رسول الله صلى الله عليه وسلم 💚 #السلطان #الاسمر #اولاد #الشيخ #زليتن

محمد بشيــر ابلاط《

Open In TikTok:

Region: LY

Thursday 29 October 2026 08:20:22 GMT