@dollishhouse: 🥛🤎 عصيدة الحليب من ألذ حلا العصر حق عيالنا! 😍 يلا نسويها ويا بعض على طريقتي، بس قبل خلوني أعرّفكم على شي وايد مهم لكل أم! 🤍 كلنا كأمهات نعرف شكثر فترة الامتحانات والمذاكرة ويا العيال تكون متعبة، خصوصاً يوم نحتاج نتابع وياهم أكثر من مادة! 📚😅 وعشان جي حبيت أشارككم شي يساعدنا ويخفف علينا ضغط الدراسة، وهو حمد أكاديمي 🎓✨ منصة تعليمية أونلاين تقدم حصص فردية مع مدرسين متخصصين في جميع المواد الدراسية، وعندهم طلاب من مختلف دول الخليج. 📚 شو يقدمون؟ * تأسيس من الصفر وشرح المناهج الدراسية. * برامج خاصة لصعوبات التعلّم. * اختبار تحديد مستوى مجاني. * اشتراكات شهرية لكل مادة بروحها، ومب لازم تشتركون في باكيج. * من عمر ٦ سنوات وفوق. * ٨ حصص بالشهر، حصتين بالأسبوع. * مدة الحصة ٤٠ دقيقة، وجميع الحصص فردية. 📝 للتسجيل والاستفسار ادخلوا حسابهم @hamad academy 🥛🤎 والحين يلا نرد لعصيدة الحليب! 😍 المقادير: 🥛 ٣ لتر حليب 🍚 كوب سكر 🌿 ملعقة كبيرة هيل 🌸 زعفران 🥣 كوب طحين 🥛 كوب حليب بودرة 🥄 ثلث كوب نشا 🧈 كوب سمن الطريقة: أول شي نحط الحليب ويا السكر والهيل والزعفران على النار، ونخليهم لين يغلي الحليب، وعقب نطفي النار ونخليه على صوب. في جدر ثاني نحط الطحين وحليب البودرة والنشا والسمن، ونحرّكهم عدل على نار هادية لين يصير لون الخليط بني وذهبي. عقب نضيف خليط الحليب شوي شوي، ونتم نحرّك ونفك كل التكتلات لين يصير الخليط ناعم و ويوصل للقوام المطلوب. وفي الأخير نصب فوقه شوي سمنة عربية ويا الزعفران، ونغطي الجدر ونخليه على نار هادية وايد لمدة ٢٥ دقيقة لين تتماسك العصيدة وتكون جاهزة 😍 وبالعافية عليكم وعلى عيالكم يا رب! 🤎 #عصيدة#حلا#الامارات#اكسبلور
