@millardayo_: Familia ya Bowen Wan, mwanamke mwenye umri wa miaka 31 aliyekuwa mhandisi wa programu za kompyuta mjini Seattle, Marekani, imefungua kesi dhidi ya OpenAI na Mkurugenzi Mkuu wake, Sam Altman, ikidai kuwa ushauri alioupata kupitia ChatGPT ulichangia kifo chake. Kwa mujibu wa taarifa zinazolinukuu gazeti la The New York Times, Wan alikuwa akisumbuliwa na kifafa kwa muda mrefu. Familia yake inadai kuwa Januari 2026, Wan alianza kuiuliza ChatGPT kuhusu kupunguza dawa za kifafa, akihofia kuwa ziliathiri uwezo wake wa kufikiri, kukumbuka na kuzungumza. Inadai programu hiyo ilimpatia mpango wa kupunguza dawa hadi kuziacha bila usimamizi wa daktari, huku ikiendelea kumhakikishia kuwa hakuwa katika hatari kubwa licha ya kuripoti dalili mbalimbali. Wan alipatikana amefariki nyumbani kwake Februari 14, 2026, huku sababu rasmi ya kifo ikitajwa kuwa kifo cha ghafla kisichotarajiwa kinachohusishwa na kifafa, maarufu kama SUDEP. Familia inadai kiwango kidogo cha dawa kilichobainika katika damu yake kinaunga mkono hoja zao, ingawa mchango unaodaiwa wa ChatGPT katika kifo hicho bado unahitaji kuthibitishwa mahakamani. Wazazi wake waliwasilisha kesi hiyo Oktoba 27, 2026, katika Mahakama Kuu ya California, Kaunti ya San Francisco, wakidai uzembe uliosababisha kifo cha binti yao, kwa upande wake, OpenAI imeeleza kusikitishwa na tukio hilo, ikisema toleo la GPT-4o alilotumia Wan halipatikani tena baada ya kukosolewa kwa kukubaliana kupita kiasi na watumiaji. #MillardAyoUPDATES

millardayo

Open In TikTok:

Region: TZ

Thursday 29 October 2026 09:10:46 GMT