@albaniatodaynews: Një çift në Angli ka bërë një zbulim të pazakontë në shtëpinë e tij, pasi vendosi të hapte një derë të vjetër, të mbyllur me tulla dhe të fshehur pas një dollapi kuzhine. Tom Gold dhe bashkëshortja e tij, Sam Goldbrom, jetonin prej nëntë vitesh në një shtëpi historike në Broadstairs, në juglindje të Anglisë. Gjatë gjithë kësaj kohe, ata kishin qenë kuriozë të zbulonin çfarë fshihej pas murit të mbyllur, por vetëm në gusht të vitit 2026 morën guximin ta hapnin. Kur hoqën tullat, përpara tyre u shfaqën shkallë të errëta që zbrisnin në nëntokën e banesës. Por surpriza më e madhe i priste poshtë! Çifti zbuloi një labirint korridorësh dhe dhomash të fshehura, me instalime elektrike, tubacione, valixhe dhe kuti me dokumente të vjetra. Në një prej dhomave, muret dhe tavani kishin gjurmë pëllëmbësh të lyera me ngjyrë të gjelbër, një detaj që i dha zbulimit pamjen e një skene filmi misterioz. Në fund të një korridori u gjet edhe një kalim tjetër, që dyshohet se mund të çonte drejt kopshtit, por ishte bllokuar me tulla dhe materiale ndërtimi. Videoja e publikuar në Instagram tërhoqi miliona shikime, ndërsa shumë komentues u habitën me faktin që çifti kishte pritur nëntë vite për të zbuluar sekretin e shtëpisë. Banesa ishte ndërtuar në vitin 1929 dhe ruante ende elemente origjinale të arkitekturës së saj.

Albania Today

Open In TikTok:

Region: AL

Thursday 29 October 2026 10:30:52 GMT