@monaung1191: #🔴အရေးပေါ်အခြေအနေအတွက် နေအိမ်များကိုခံတပ်သဖွယ် ပြင်ဆင်ထားကြရန် နှင့် ရက် ၃၀စာစားနပ်ရိက္ခာ သို လှောင် ထားရန်FBI ဒုတိယညွှန်ကြားရေးမှူးဟောင်း တိုက်တွန်း ​၂၀၂၆ ခုနှစ် အောက်တိုဘာ ၂၇ ရက်တွင် FBI ဒုတိယညွှန်ကြားရေးမှူးဟောင်း ဒန် ဘွန်ဂျီနို (Dan Bongino) က ၎င်း၏ ပေါ့ဒ်ကတ်စ်အစီအစဉ်မှတစ်ဆင့် အမေရိကန်ပြည်သူများအနေဖြင့် အရေးပေါ် ရက် ၃၀ ကြိုတင်ပြင်ဆင်မှု သတိပေးချက်များကို ပေါ့ပေါ့ဆဆ မနေဘဲ အလေးအနက်ထား ဆောင်ရွက်ကြရန် တိုက်တွန်းပြောကြားခဲ့သည်။ ​ဘွန်ဂျီနိုက ဗြိတိန်အပါအဝင် အခြားနိုင်ငံများ၌လည်း ရက် ၃၀ စာ စားနပ်ရိက္ခာနှင့် လျှပ်စစ်ဓာတ်အား ပြတ်တောက်မှုအတွက် ကြိုတင်ပြင်ဆင်ရန် သတိပေးချက်များ ထုတ်ပြန်နေပြီဖြစ်ကြောင်း ထောက်ပြခဲ့သည်။ ထို့ကြောင့် အိမ်ထောင်စုတိုင်းအနေဖြင့် အရေးပေါ်ရေဒီယို၊ ဘက်ထရီ၊ ကြာရှည်ခံ အရေးပေါ် အစားအစာ၊ မိုးရေလှောင်စနစ်၊ ရေစစ်ကိရိယာများနှင့် ရေသန့်ဆေးပြားများကို အချိန်မဆိုင်းဘဲ ကြိုတင်ဝယ်ယူစုဆောင်းထားသင့်ကြောင်း အကြံပြုခဲ့သည်။ ​"ဒီကနေ့ပဲ ဝယ်ယူစုဆောင်းကြပါ။ မိမိတို့ မိသားစုလုံခြုံရေးအတွက် မဖြစ်မနေ ပြင်ဆင်ထားကြပါ" ဟု ၎င်းက အလေးအနက် ပြောကြားခဲ့သည်။ ​၎င်းက အရေးပေါ်အခြေအနေများတွင် မလိုလားအပ်ဘဲ ထိတ်လန့်တုန်လှုပ်ခြင်း (Panic) မဖြစ်ကြရန် အဓိကထား သတိပေးခဲ့သည်။ "အထိတ်တလန့်ဖြစ်ခြင်းက အသက်ကို အန္တရာယ်ဖြစ်စေနိုင်ပါတယ်။ ကြိုတင်ပြင်ဆင်ထားမှသာ စိုးရိမ်ပူပန်မှုတွေကို လျှော့ချနိုင်မှာ ဖြစ်ပါတယ်" ဟု ၎င်းက ဆိုသည်။ ​ထို့အပြင် ဘေးအန္တရာယ်ကြုံတွေ့လာပါက အိမ်နီးချင်းများထံတွင်လည်း ပိုလျှံသော အစားအစာများ ရှိနိုင်မည်မဟုတ်ဘဲ မိမိတို့ မိသားစုနှင့် ကလေးငယ်များကိုသာ ဦးစားပေး စောင့်ရှောက်ကြရမည်ဖြစ်သောကြောင့် မိမိတို့၏ နေအိမ်နှင့် တိုက်ခန်းများကို မည်သည့်ဘေးဒဏ်မဆို ခံနိုင်ရည်ရှိသည့် "ခံတပ်ကြီးသဖွယ်" (Fortress) လုံခြုံခိုင်မာအောင် ကြိုတင်ပြင်ဆင်ထားကြရန် တိုက်တွန်းခဲ့သည်။ ​အဆိုပါ သတိပေးချက်သည် ပင်တဂွန်စစ်ဌာနချုပ်၏ မကြာသေးမီက ထုတ်ပြန်ခဲ့သော FORTRESS စီမံချက်နှင့်လည်း ဆက်စပ်မှု ရှိနေသည်။ အမေရိကန် ကာကွယ်ရေးဝန်ကြီး ပိထ် ဟက်ဂ်ဆတ်သ် (Pete Hegseth) က ပြီးခဲ့သည့် စက်တင်ဘာ ၃၀ ရက်တွင် ကြေညာခဲ့သည့် FORTRESS (Federal Operations for Resilience, Troop Resources, Energy, Supply, and Survivability) အစီအစဉ်အရ အမေရိကန်ပြည်မကြီးအတွင်းရှိ အဓိက စစ်အခြေစိုက်စခန်းများသည် အရပ်ဘက် အခြေခံအဆောက်အအုံများ (လျှပ်စစ်၊ ရေ၊ လောင်စာနှင့် ထောက်ပံ့ရေးကွင်းဆက်) ပြတ်တောက်သွားသည့်တိုင် အနည်းဆုံး ရက်ပေါင်း ၉၀ ကြာ ကိုယ်တိုင် ရပ်တည်လည်ပတ်နိုင်စေရန် စတင်ပြင်ဆင်နေပြီဖြစ်ကြောင်း Fox News သတင်းဌာနက ဖော်ပြခဲ့သည်။ ​အလားတူ ဗြိတိန်နိုင်ငံတွင်လည်း ရာသီဥတုဆိုးရွားမှု၊ ဆိုက်ဘာတိုက်ခိုက်ခံရမှုနှင့် အခြားသော အရေးပေါ်အခြေအနေများအတွက် အိမ်ထောင်စုတိုင်း အနည်းဆုံး ၃ ရက်စာ အစားအစာ၊ သောက်သုံးရေနှင့် အခြေခံအသုံးအဆောင်များ ကြိုတင်စုဆောင်းထားရန် ရည်ရွယ်သည့် "Be Ready" စီမံချက်ကို စတင်လှုပ်ရှားနေပြီ ဖြစ်သည်။ ​ဒန် ဘွန်ဂျီနို၏ နောက်ခံအကျဉ်း ​ဒန် ဘွန်ဂျီနိုသည် ယခင်က နယူးယောက်မြို့တော်ရဲတပ်ဖွဲ့ (NYPD) နှင့် အမေရိကန် လျှို့ဝှက်ထောက်လှမ်းရေးတပ်ဖွဲ့ (Secret Service) တို့တွင် တာဝန်ထမ်းဆောင်ခဲ့သူဖြစ်ပြီး ၂၀၂၅ ခုနှစ် ဖေဖော်ဝါရီလတွင် FBI ဒါရိုက်တာ ကက်ရှ် ပါတဲလ် (Kash Patel) ၏ လက်အောက်၌ FBI ဒုတိယညွှန်ကြားရေးမှူးအဖြစ် ခန့်အပ်ခံခဲ့ရကာ ၂၀၂၆ ခုနှစ် အစောပိုင်းတွင် အဆိုပါ ရာထူးမှ အနားယူခဲ့သူ ဖြစ်သည်။ ဘာတွေဖြစ်လာ နိုင် လဲ ဆိုတာအမြင်နဲ့ အတွေးစလေးတွေကို အောက်က ကွန်မင့်မှာ အားရပါးရ မညှာမတာ ဝင်ရောက် ရေးသားဆွေးနွေးသွားကြပါဦး။ ​#DanBongino #EmergencyPreparedness #FortressAmerica #StockUp

🗣️💬 🫷😴 💤 🥱🫸❓👀

Open In TikTok:

Region: SG

Thursday 29 October 2026 11:35:53 GMT