@leqalxeber.az: LEQAL XƏBƏR məlumat verir ki, Kipr mətbuatının yaydığı məlumata görə, Azərbaycanın U-21 millisinin üzvü Murad Məmmədov qış transfer pəncərəsində “Pafos” klubundan icarəyə göndərilə bilər. Məlumata görə, 20 yaşlı vingerin daha çox oyun təcrübəsi qazanması üçün başqa komandaya keçidi nəzərdən keçirilir. Futbolçu ilə Azərbaycan və Avropanın bir sıra klublarının maraqlandığı bildirilir. Kiprin digər təmsilçisi “Omoniya”nın (Aradippu) da Məmmədovu heyətinə qatmaq istədiyi qeyd olunur. “Pafos” rəhbərliyinin gənc futbolçunun müntəzəm oynayaraq inkişaf etməsi məqsədilə icarə variantına müsbət yanaşdığı vurğulanır. Qeyd edək ki, Murad Məmmədov bu ilin yayında “Neftçi”dən “Pafos”a keçib. Azərbaycanlı futbolçu Kipr klubu ilə 2030-cu ilin iyun ayına qədər müqavilə imzalayıb. #muradməmmədov #pafos #futbol #xeber #legalxeber
