@sarto8526: Duan Guixiu ဟာ တစ်သက်တာလုံးမပျက်မကွက် စောင့်ထိန်းခဲ့တဲ့ ကတိတစ်ခုရှိခဲ့ပါတယ်။ ❤️🥀 ၁၉၃၂ ခုနှစ်မှာ Wang Jinchang ဟာ လက်ထပ်ပြီး မကြာခင်မှာပဲ တပ်မတော် (Red Army) ထဲဝင်ရောက်သွားခဲ့ပါတယ်။မထွက်ခွာခင်မှာတော့ဇနီးဖြစ်သူ Duan ကို သူပြန်လာတဲ့အထိစောင့်နေဖို့ မှာကြားခဲ့ပါတယ်။ “ငါ့ကို စောင့်နေပါ။ ငါပြန်လာခဲ့မယ်။အမေ့စကားကိုလည်း နားထောင်ပါ” လို့ သူကမှာခဲ့ကြောင်း Duan ကိုယ်တိုင်ပြန်လည်ပြောပြခဲ့ပါတယ်။ ဒါပေမဲ့ သူဟာဘယ်တော့မှ ပြန်ရောက်မလာခဲ့ပါဘူး။ Duan ကတော့တရုတ်နိုင်ငံ၊ Jiangxi ပြည်နယ်မှာပဲ နေထိုင်ရင်း ယောက္ခမဖြစ်သူနဲ့ ခင်ပွန်းရဲ့ညီငယ်၊ ညီမငယ်တွေကို ပြုစုစောင့်ရှောက်ခဲ့ပါတယ်။ မိသားစုအတွက်စားစရာတောင် လုံလုံလောက်လောက် မရှိခဲ့တဲ့ ခက်ခဲကြမ်းတမ်းတဲ့ နှစ်ပေါင်းများစွာကိုလည်းကြံ့ကြံ့ခံ ဖြတ်သန်းခဲ့ပါတယ်။ ၁၉၅၃ ခုနှစ်မှာတော့ဒေသခံအရာရှိတစ်ဦးဟာ သူမရဲ့အိမ်ကို ရောက်လာပြီး Wang သေဆုံးသွားပြီဖြစ်ကြောင်း၊ တိုင်းပြည်အတွက်အသက်ပေးခဲ့သူအဖြစ် မှတ်တမ်းတင်ထားကြောင်း ဖော်ပြတဲ့လက်မှတ်တစ်စောင်ကိုယူဆောင်လာခဲ့ပါတယ်။ ဒါပေမဲ့ Duan ကတော့ ခင်ပွန်းဖြစ်သူသေဆုံးသွားပြီဆိုတာကို လက်မခံနိုင်ခဲ့ဘဲသူပြန်လာမယ့်နေ့ကိုဆက်လက်စောင့်မျှော်နေခဲ့ပါတယ်။ နောက်ဆုံးမှာတော့ သူမဟာ ၂၀၂၆ ခုနှစ်၊ ဩဂုတ်လမှာ အသက် ၁၀၈ နှစ်အရွယ်နဲ့ ကွယ်လွန်သွားခဲ့ပါတယ်။ တစ်သက်တာလုံး စောင့်မျှော်ခဲ့ရတဲ့ ခင်ပွန်းဖြစ်သူကိုတော့နောက်တစ်ကြိမ်ပြန်လည်တွေ့ဆုံခွင့်မရခဲ့ပါဘူး။💔 ယနေ့မှာတော့ နှစ်ပေါင်း ၉၀ ပြည့်တော့မယ့် Long March ခရီးရှည်ကြီးရဲ့နှစ်ပတ်လည်အခါသမယနီးကပ်လာတာနဲ့အမျှ သူမရဲ့အကြောင်းဟာလူမှုကွန်ရက်ပေါ်မှာ ပြန်လည်ပျံ့နှံ့လာခဲ့ပါတယ်။ တရုတ်နိုင်ငံ၊ Yudu မြို့မှာ Long March ခရီးရှည်ကြီး စတင်ခဲ့တဲ့နေရာကို အခြေခံပြီး ဖျော်ဖြေတင်ဆက်နေတဲ့ ခမ်းနားတဲ့ပြပွဲကြီးထဲမှာလည်း သူမရဲ့ဘဝကိုအခြေခံဖန်တီးထားတဲ့ ဇာတ်ကောင်တစ်ဦး ပါဝင်နေပါတယ်။ တကယ်လို့ ကိုယ်ချစ်ရတဲ့သူတစ်ယောက်ဘယ်တော့ပြန်လာမယ်ဆိုတာ မသိရဘဲသူပြန်လာမယ့်နေ့ကို တစ်သက်လုံး စောင့်နေဖို့ သင်ရော ဆုံးဖြတ်နိုင်ပါ့မလား။ 🥀❤️

OᴍᴇGᴀシ︎

Open In TikTok:

Region: MM

Thursday 29 October 2026 12:58:31 GMT