@arbnorev: Falënderoj Zotin që jetoj jashtë Kosovës! Sepse edhe nëse në këtë jetë nuk fitoj asgje, të paktën kam fituar mundësinë të jetoj në një vend ku drejtësia ka zë dhe ku ligji duhet të vlejë për të gjithë, jo vetëm për ata që kanë para, lidhje e pushtet. Sepse çfarë vlere ka atdheu, nëse njeriu duhet të largohet prej tij për ta ndier veten të mbrojtur? Çfarë vlere kanë fjalët për drejtësi, kur i dobëti mbetet pa zë, kur padrejtësia mbulohet dhe kur disa mendojnë se mund të bëjnë çfarë të duan vetëm pse kanë dikë që i mbron? Nuk ka pasuri më të madhe se të jetosh pa frikë, të kërkosh të drejtën pa u lutur askujt dhe të besosh se askush nuk është mbi ligjin. Më mirë të jetoj larg vendlindjes me pak, por me dinjitet, sesa të jetoj në vendin tim me frikën se drejtësia varet nga mbiemri, xhepi apo lidhjet që ke. Dhe kjo është ajo që dhemb më së shumti: nuk largohemi gjithmonë sepse nuk e duam vendin tonë, por sepse lodhemi duke pritur që vendi ynë të na japë atë që çdo njeri e meriton — drejtësi, siguri dhe dinjitet. Zoti e bekoftë vendin ku jetoj sot dhe e bëftë një ditë të mundur që edhe në Kosovën tonë, njeriu të mos ketë nevojë të largohet për ta ndier veten të mbrojtur. Sepse atdheu nuk matet vetëm me dashurinë që kemi për të, por edhe me drejtësinë që ai u ofron njerëzve të vet. #stopdhunesndajgruas

ARBNORE

Open In TikTok:

Region: DE

Thursday 29 October 2026 13:32:56 GMT