@nyinyikyawthu.mm: နယ်ဖက်တွေမှာ ကြီးပြင်းလာဖူးသူတွေဆိုရင် ဒီမြင်ကွင်းလေးကို ရင်းနှီးကြမယ်ထင်ပါတယ်။ အိမ်တစ်အိမ်ရဲ့ မျက်နှာစာမှာဖြစ်ဖြစ်၊ ဧည့်ခန်းထဲမှာဖြစ်ဖြစ်၊ တစ်ခါတလေ အိပ်ခန်းခေါင်းရင်းမှာဖြစ်ဖြစ် ဘွဲ့ဝတ်စုံနဲ့ သားသမီးရဲ့ပုံတစ်ပုံကို သေသေချာချာဘောင်သွင်းပြီး ချိတ်ထားတတ်ကြတယ်။ အိမ်ထဲမှာ အလှဆင်ပစ္စည်းတွေ အများကြီးရှိချင်မှရှိမယ်။ ဧည့်ခန်းကလည်း မြို့ပေါ်အိမ်တွေလို ခေတ်မီချင်မှ ခေတ်မီမယ်။ ဒါပေမဲ့ အဲဒီပုံလေးကတော့ အိမ်ထဲမှာ သူ့နေရာနဲ့သူ ရှိနေတတ်တယ်။ တစ်ခါတလေ အိမ်ရှေ့က ဖြတ်သွားတဲ့ အိမ်နီးချင်းတစ်ယောက်က တွေ့ပြီး မေးတတ်တယ်။ “ဒါ ဘယ်သူ့ပုံလဲ။ ဘာဘွဲ့ရတာလဲ” ဆိုတာမျိုးပေါ့။ အဲဒီအခါ မိဘတွေက သားသမီးအကြောင်းကို အေးအေးဆေးဆေး ပြောပြကြမယ်။ တချို့ကတော့ စကားအများကြီး မပြောတတ်ကြဘူး။ ပြုံးပြုံးလေးနဲ့ “ကိုယ့်သားလေးပါ”၊ “ကိုယ့်သမီးလေးပါ” လို့ပဲ ပြောလိုက်ကြတယ်။ ဒါပေမဲ့ အဲဒီစကားတိုတိုလေးနောက်မှာ ဘယ်လောက်ဝမ်းသာနေကြတယ်၊ ဘယ်လောက်ဂုဏ်ယူနေကြတယ်ဆိုတာကိုတော့ သူတို့ကိုယ်တိုင်ပဲ သိကြမှာပါ။ ကျေးလက်က မိဘတချို့ဟာ ကိုယ့်ရဲ့ဝမ်းသာမှုကို စကားလုံးလှလှတွေနဲ့ ဖော်ပြလေ့မရှိကြဘူး။ သားသမီးအတွက် လုပ်ပေးနိုင်သမျှကို တိတ်တိတ်လေး လုပ်ပေးကြတယ်။ ကိုယ်တိုင်ပင်ပန်းနေရင်တောင် သားသမီးအဆင်ပြေဖို့ကို အရင်စဉ်းစားတတ်ကြတယ်။ ကိုယ့်သားသမီး ဘယ်လောက်တော်တယ်ဆိုတာကို လူတိုင်းကို လိုက်ပြောမနေတတ်ပေမဲ့ တစ်ယောက်ယောက်က ချီးကျူးလိုက်ရင်တော့ မျက်နှာပေါ်မှာ ပေါ်လာတဲ့ အပြုံးလေးကို ဖုံးထားဖို့ ခက်တတ်ကြတယ်။ တချို့အိမ်တွေမှာ အဲဒီဘွဲ့ပုံလေးဟာ အိမ်ရဲ့အလှဆင်ပစ္စည်းတစ်ခုထက် ပိုပါတယ်။ မိဘတွေ ဖြတ်သန်းခဲ့ရတဲ့ဘဝ၊ သားသမီးတွေအတွက် ထားခဲ့တဲ့မျှော်လင့်ချက်နဲ့ မိသားစုတစ်စုရဲ့ ဂုဏ်ယူစရာလေးတစ်ခု ဖြစ်နေတတ်ပါတယ်။ အဲဒီလိုအိမ်တစ်အိမ်မှာ ကိုယ့်ရဲ့ဘွဲ့ပုံလေးကိုလည်း တစ်နေ့ ချိတ်ထားနိုင်ခဲ့ပြီဆိုတဲ့အတွေးက ကိုယ့်အတွက် အဓိပ္ပာယ်တစ်မျိုး ရှိနေတယ်။ တစ်ခါတလေ ကိုယ့်ဘဝကို ပြန်တွေးကြည့်မိတယ်။ ကိုယ်ဟာ ပညာရေးလမ်းကြောင်းမှာ အစကတည်းက အရာရာအဆင်ပြေခဲ့တဲ့သူ မဟုတ်တော့ ကိုယ့်အနာဂတ်ဟာ ဘယ်လိုဖြစ်လာမလဲ၊ ဘယ်နေရာအထိ ရောက်နိုင်မလဲဆိုတာ ကိုယ်တိုင်တောင် သေချာမသိခဲ့ဘူး။ ဘဝက ကိုယ်ထင်ထားတဲ့လမ်းကြောင်းအတိုင်း အမြဲတမ်း မသွားတတ်ဘူးလေ။ အလုပ်လုပ်ရင်း သင်ယူခဲ့ရတယ်။ အမှားတွေလုပ်မိခဲ့တယ်။ မသိတာတွေကို လေ့လာခဲ့ရတယ်။ ကိုယ့်အတွက် မရင်းနှီးသေးတဲ့ ပတ်ဝန်းကျင်အသစ်တွေထဲ ဝင်ရောက်ခဲ့ရတယ်။ အဆင်ပြေတဲ့အချိန်တွေရှိသလို ကိုယ့်ကိုယ်ကိုယ် သံသယဝင်မိတဲ့အချိန်တွေလည်း ရှိခဲ့တယ်။ ပြန်စဉ်းစားမိတဲ့အခါ တစ်ခါတလေ ကိုယ့်ကိုယ်ကိုယ်တောင် အံ့ဩမိတယ်။ “ငါတောင် ဒီအထိ ရောက်လာနိုင်ခဲ့ပါလား” ဆိုတဲ့အတွေးမျိုးပေါ့။ ဒါပေမဲ့ ဒီနေ့ ဘွဲ့ဝတ်စုံနဲ့ပုံလေးတစ်ပုံကို ကြည့်တဲ့အခါ ကိုယ့်ကိုယ်ကိုယ် ကြွားဝါချင်စိတ်ထက် တခြားခံစားချက်တစ်ခုကို ပိုခံစားမိတယ်။ အဲဒါက ကိုယ်တတ်နိုင်သမျှ ကြိုးစားခဲ့လို့ မိသားစုအတွက် အမှတ်တရလေးတစ်ခု ဖန်တီးပေးနိုင်ခဲ့တဲ့အတွက် ဝမ်းသာမှုပါပဲ။ ပုံလေးတစ်ပုံကို ချိတ်ထားနိုင်တာဟာ ဘဝမှာ အရာအားလုံး ပြည့်စုံသွားပြီလို့ ဆိုလိုတာမဟုတ်ဘူး။ ဒီပုံလေးကြောင့် ကိုယ့်ဘဝရဲ့ အခက်အခဲအားလုံးလည်း ပျောက်ကွယ်သွားမှာ မဟုတ်ဘူး။ နောက်ထပ်ရင်ဆိုင်ရမယ့် စိန်ခေါ်မှုတွေ၊ သင်ယူရမယ့်အရာတွေ၊ အောင်မြင်ဖို့ ကြိုးစားရမယ့် ရည်မှန်းချက်တွေ အများကြီး ကျန်နေသေးတယ်။ ဒါပေမဲ့ အနည်းဆုံးတော့ ဒီနေ့မှာ ကိုယ်လုပ်နိုင်ခဲ့တဲ့အရာလေးတစ်ခုကို မိဘတွေအတွက် အမှတ်တရအဖြစ် ထားပေးနိုင်ခဲ့ပြီ။ တစ်နေ့နေ့မှာ အိမ်ကိုပြန်ရောက်လို့ အဲဒီပုံလေးကို မြင်မိတဲ့အခါ မိဘတွေက ကိုယ့်ကိုကြည့်ပြီး ဂုဏ်ယူနေမယ်ဆိုရင်၊ အဲဒီအတွက် ကိုယ်တတ်နိုင်သမျှ ကြိုးစားခဲ့ရတာတွေက တန်ဖိုးရှိနေပြီလို့ ခံစားရမယ်ထင်တယ်။ မိဘတွေအတွက် ဂုဏ်ယူစရာဖြစ်စေမယ့် အမှတ်တရတွေ နောက်ထပ်ဖန်တီးနိုင်ဖို့၊ ကိုယ့်ဘဝကို ကိုယ်တိုင် ပိုကောင်းအောင် တည်ဆောက်နိုင်ဖို့နဲ့ ဒီနေ့ထက် မနက်ဖြန်မှာ ပိုကောင်းတဲ့သူတစ်ယောက် ဖြစ်လာဖို့ ဆက်ပြီးကြိုးစားသွားချင်တယ်။ တချို့အောင်မြင်မှုတွေက လူအများရှေ့မှာ ပြောပြဖို့မဟုတ်ဘဲ ကိုယ့်အိမ်မှာ ကိုယ့်မိဘတွေ ပြုံးနေတာကို မြင်ရဖို့အတွက်လည်း ဖြစ်တတ်ပါတယ်။ တစ်ခါတလေ အဲဒီလို ရိုးရိုးရှင်းရှင်းလေးတွေကပဲ ဘဝမှာ အဓိပ္ပာယ်အရှိဆုံး ဖြစ်နေတတ်တာပါ။ 🎓 #graduation #nyinyi♒️ #fyp #CareerJourney #familytime

Thwin Hsitt Lwoon :

မုဆိုးမတစ်ယောက် သူ့ သားက်ိုခေတ်ပျက်ကြီး ထဲ ဘွဲ့ရဖြစ်အောင် ထား ခဲ့တယ် ၂၀၂၄မှာ g12ကို နှစ်ချင်းပေါက်အောင်ပြီး ၂၀၂၈ဆို ဘွဲ့ရပြီ မုဆ်ိုးမကြီးကပြောသတဲ့ အမေငါ့သားကိုသူများခိုးလို့မရ တဲ့ အမွေပေးခဲ့ပါပြီတဲ့

KhantTheGreat :

State ကျောင်းပြီးအောင် မိဘတွေက ထားပေးခဲ့တာဆိုရင် Uni ကို မတက်ပဲ မနေပါနဲ့ညီလေးတို့ ကျောင်းဝန်းကြီးထဲမှာ ဘွဲ့ဝတ်စုံကြီးဝတ်ပြီး မိဘတွေနဲ့ ဓာတ်ပုံရိုက်ရတဲ့အခိုက်အတန့်၊ ဘွဲ့ခန်းမထဲကို အဖေနဲ့အမေကို ခေါ်သွားရတဲ့အခိုက်အတန့်၊ ဘွဲ့တက်ယူရတဲ့အချိန် အောက်က မိဘတွေရှိတဲ့နေရာကို လှမ်းကြည့်ခိုက်ရတဲ့အခိုက်အတန့် အဲဒါတွေက ဘဝမှာ နှစ်ခါမရနိုင်တဲ့ အလှပဆုံး Moment တွေပါ သူတို့အတွက် ကျေးဇူးဆပ်ရာလဲရောက်ပါတယ် ပိုက်ဆံမတတ်နိုင်တာ ဘာညာအကြောင်းမပြနဲ့ ညီကိုတို့ ကျွန်တော်လဲ State ကျောင်းပြီးကတည်းက အလုပ်လုပ်ပြီး ဘွဲ့ယူခဲ့တာပါ သူတို့အတွက် အနည်းဆုံး ဒီလောက်တော့ ပြန်လုပ်ပေးသင့်ပါတယ်

ouukygkygmay :

ကျေးဇူးပါbroရေ ရွေးထားတဲ့လမ်းက ၂လမ်းဖြစ်နေတော့ စိတ်ဓာတ်တွေကျနေမိတာ ငါလုပ်နိုင်ပါ့မလားဆိုတဲ့စိတ်နဲ့ ရှုပ်ထွေးနေတာခူလိုလေးမြင်တော့လဲ စာလုပ်ချင်စိတ်ဖြစ်သွားတယါ

Heifoenier :

Damn bro it so peak

xeno-zyl :

B.E(CEIT) ဆိုတဲ့ဘွဲ့နဲ့ ဘွဲ့ဓာတ်ပုံကို ဧည့်ခန်းထဲမှာချိတ်ဖို့ ကြိုးစားပါအုံးမယ် မိဘ၂ပါးအတွက်ရော ကိုယ့်အတွက်ကိုရော

Nhkai Ja San Awng :

G12 ပြီးရင်ကျောင်းဆက်မတက်ဖို့တွေးထားခဲ့တာ ဒီ post ကိုတွေ့သွားတော့လဲ ငါအများရီးကြိုးစားရအုန်းမှာပါလားဆိုတဲ့အတွေးဝင်လာတယ် Tq bro I will try the best👊😅

... :

အခြေခံမပါတော့G-10တောင် မနိုင်ချင်သလိုလိုဖြစ်နေတာ ဘယ်လိုပဲဖြစ်ဖြစ်ဘွဲ့ဓာတ်ပုံလေးတော့ချိတ်ခွင့်ရချင်သား

pyae_sone :

sorry mon

Glorious Knight :

ဆယ်တန်းနှစ်ဝက်လောက်မှာ အဖေဆုံး အမေတစ်ယောက်တည်းပဲ မောင်နှမနှစ်ယောက်လုံး လုပ်ကျွေးလာတာ အခုလက်ရှိတော့တတိယနှစ်ဖြေပြီးပြီ တဖက်တလမ်းကလဲ အမေ့ကိုကူညီနိုင်နေပြီ အမေ့ရဲ့ကျေးဇူးကြီးသလိုပဲ မဆုံးခင်အထိ ငယ်ငယ်ကတည်းက လိုလေသေးမရှိထားပေးခဲ့တဲ့အဖေ့ကိုလဲကျေးဇူးတင်တယ် လွမ်းလဲလွမ်းတယ်

Aung Thu Hein Ko :

ဘွဲ့တောင်ယူရတော့မယ်ကွာ December or February ပဲ❣️

Jᴀx :

icebear9788🐻‍❄️ :

စာတွေ အဆုံးထိ ဖတ်ခဲ့ပြီးပါပြီ Bro အမှန်တွေပါပဲ

nanda :

အမှန်ဘဲဗျာ အဲဓာတ်ပုံလေး တစ်ပုံ မြင်ရဖို့ သူတို့ သွေးနဲချွေးနဲ့ ရင်းထားရတာ🥰

𝗛 :

ကိုယ်အရမ်းဖြစ်ချင်ခဲ့တာ ဘွဲ့ရတစ်ယောက်ပေါ့ အခွင့်မသာခဲ့ဘူး မိသားစုတွေပြိုကွဲ ကိုယ့်ဘဝကိုယ်ထူထောင်ခဲ့ရတယ် ကိုယ့်ဝမ်းစာတောင်အနိုင်နိုင်ရှာစားခဲ့ရတယ် ကိုယ်အိမ်ထောင်ကျတော့ အတွေးအခေါ်တွေလဲ သိမ့်မမြင့်မားသေးတဲ့အရွယ် ဒါပင်မဲ့ ကိုယ့်သမီးလေးကိုယ့်လို ငယ်ငယ်ရွယ်ရွယ်နဲ့အိမ်ထောင်ကျ စာမတတ်ပေမတတ်ဘဝ အချိန်လွန်မှသိမဲ့ ဘဝလက်တွဲဖော်အကြောင်းတွေ ဒီလိုဘဝတွေကို ပေးမရောက်စေချင်ဘူး

Shoon Lae Nway :

နော်

Ei Ei Moe🤗 :

စာလေး ဆုံးအောင် ဖတ်လိုက်တယ်🥰

☘️ K ♎️ :

ငယ်ငယ်တုန်းကလေ Tvပြတဲ့အိမ်ကို ကိုယ်Tvသွားကြည့်ရင်အဲ့အိမ်နံရံမှာချိတ်ထားတဲ့ဘွဲ့ဓါတ်ပုံတွေကိုကြည့်ပြီးသိပ်အားကျခဲ့ရတာ ငါတို့ကြီးလာရင်လည်းအဲ့လိုဘွဲ့ရအောင်ကြိုးစားမယ်လို့လည်းတွေးမိခဲ့တာ အခုတော့ရည်မှန်းချက်ပြည့်ခဲ့ပါပြီ အဖေအမေနဲ့အကိုအမနွေရဲ့ကျေးဇူးကြောင့် မဟာဘွဲ့ကိုနောက်နှစ်ထပ်ယူရတော့မယ်🥰

テイリチシヌエ―🎌 :

ဟုတ်တာပေါ့ကျွန်တော်မောက်နှမ၇ယောက်ရှိတယ်အမတစ်ယောက်ပဲဘွဲ့ရတယ်ကျန်တာတွေကအပီးထိမလိုက်ကြရဘူးအခုထိမိဘတွေကဘွဲ့ခန်းမထဲတစ်ခါပဲရောက်ဖူးသေးတယ်။ကျွန်တော်ကအခုမှuniတက်ရမှာမိဘတွေကိုဘွဲ့ခန်းမထဲခါ်ချင်နေပီ။တစ်ဖန်ပြန်လုပ်ကျွေးချင်ပီ🥰

Dongyun :

တော်ကီကြွယ်တဲ့ ဘော်လီသည် :

ငါတို့များ စာတေမရလို့ စိတ်ညစ်🥰

🌷 Túlîp 🌷 :

ဘွဲ့ရခဲ့တာတော့ချိတ်လို့မရတဲ့အနေအထားကြီး😁😁😁သေတ္တာထဲမှာပဲသိမ်းထားတုန်း🥰အခြေအနေကောင်းရင်ပေါ့

🦋 ❝ 𝗦𝘄𝗲𝗲𝘁 ❞ 🦋 :

အစ်မတွေချိတ်နိုင်ခဲ့ပြီ[Heartwarming]I'm so sorry mom& dad.🥲

🌧🤍 :

စာသားလေး copy 🥺

Sudo :

မူလတန်းထိဘဲတက်ခဲ့ရတဲ့အဖေနဲ့အမေက ဘွဲ့နှင်းသဘင်တက်ဖူးချင်တယ်တဲ့

min ju :

final first semနဲ့အဆုံးသတ်ခဲ့ရလို့ ရင်နာမဆုံး sry mom😔😭