@oishilik: Бүгін ауданымызда Кәсіпкерлер күніне орай салтанатты мерекелік іс-шара өтті. Мәдениет үйінде өткен шарада аудан әкімі Ерсін Кәдірбекұлы құттықтау сөз сөйлеп, ауданның әлеуметтік-экономикалық дамуына, жаңа жұмыс орындарының ашылуына және халықтың әл-ауқатын арттыруға үлес қосып жүрген кәсіпкерлерге алғысын білдірді. Мерекелік жиын барысында ауданның өркендеуіне, соның ішінде кәсіпкерлік саласының дамуына елеулі үлес қосып жүрген бірқатар азаматтар салтанатты түрде марапатталды. Кәсіпкерлік саласында көп жылдар бойы қажырлы еңбек еткен азаматтарға «Еңбек ардагері» төсбелгісі табысталды. Сонымен қатар, ауданның әлеуметтік-экономикалық дамуына сүбелі үлес қосып жүрген ауылымыздың кәсіпкерлері Тіккөзов Ризабек, Азимханов Асқарбек және Хасенова Ләззат аудан әкімінің Алғыс хаттарымен марапатталды. Марапат иелерін шын жүректен құттықтап, еңбектеріне табыс, кәсіптеріне береке тілейміз! Салтанатты шара аудан өнерпаздарының әсем ән мен күмбірлеген күйге толы концерттік бағдарламасына ұласты. Барша кәсіпкерлерді төл мерекелерімен құттықтаймыз! Еңбектеріңіз жемісті, бастамаларыңыз сәтті, кәсіптеріңіз өркендеп, берекелеріңіз арта берсін! Ауданымыздың дамуына қосып жүрген үлестеріңіз еселене берсін!

Ойшілік ауылдық округі

Open In TikTok:

Region: KZ

Thursday 29 October 2026 14:40:49 GMT