Waxaan shir-guddoomiyay kulan degdeg ah oo looga hadlay xaaladda ka dhalatay roobabka iyo fatahaadaha El Niño ee Magaalada Gaalkacyo, iyo sidii loo dardargelin lahaa gurmadka caafimaad ee dadka ay saameeyeen fatahaaduhu. Waxaan warbixinno ka dhageystay masuuliyiinta Wasaaradda Caafimaadka iyo hay’adaha bahwadaagta ah, kuwaas oo ku saabsanaa saameynta fatahaadaha, hawlaha gurmadka ee socda iyo baahiyaha caafimaad ee jira. Waxaan si adag u faray masuuliyiinta Wasaaradda in mudnaanta koowaad la siiyo gurmadka degdegga ah, badbaadinta nolosha dadka iyo ka-hortagga khataraha caafimaad ee ka dhalan kara fatahaadaha. Waxaan sidoo kale xaqiijiyay in Wasaaradda Caafimaadku ay qaadanayso kaalinteeda gurmadka, isla markaana masuuliyiin ka tirsan Wasaaraddu ay u safri doonaan Gaalkacyo si ay u qiimeeyaan xaaladda, una dardargeliyaan jawaabta caafimaad. Kulanka waxaa igu weheliyay Wasiiru-dowlaha Wasaaradda Caafimaadka, Mudane Cali Maxamed Cismaan, Agaasimaha Guud, Dr. Maxamed Maxamuud Xiddig, Agaasimaha Qorshaynta, Cabdirisaaq Maxamed Cartan, iyo wakiillo ka socday hay’adaha bahwadaagta caafimaadka. Badbaadinta nolosha iyo caafimaadka bulshada ay fatahaaduhu saameeyeen waa mudnaanteenna koowaad. #CaafimaadkaPuntland #Gaalkacyo #GurmadkaCaafimaadka #ElNino #FloodResponse - @m.farole