Արցախյան առաջին պատերազմի թեժ փուլում Ադրբեջանի նախագահ դարձավ ծայրահեղ ազգայնական հայացքներով հայտնի Աբուլֆազ Էլչիբեյը։ Իր ռազմաշունչ ելույթներից մեկի ժամանակ նա հայտարարել էր, թե ադրբեջանական բանակը շուտով առաջ է շարժվելու, իսկ ինքը «ոտքերը լվանալու է Սևանա լճում» և «թեյ է խմելու Սևանի ափին»։ Այս հայտարարությունը լայնորեն տարածվեց լրատվամիջոցներով և նպատակ ուներ հոգեբանական ճնշում գործադրել հայկական կողմի վրա։ Էլչիբեյի խոստումներն այդպես էլ իրականություն չդարձան, քանի որ հայկական ուժերը անցան հակահարձակման և ազատագրեցին մի շարք կարևոր տարածքներ։ Ադրբեջանում սկսվեց քաղաքական ճգնաժամ, և 1993թ-ի հունիսին Էլչիբեյը փախավ Բաքվից ու կորցրեց հայրենիքի ղեկավարի պաշտոնը՝ այդպես էլ չհասնելով Սևան։ Էլչիբեյի պաշտոնանկությունից և ռազմաճակատում հայկական կողմի հաջողություններից հետո ՀՀ պաշտպանության նախարար (ապա՝ նախագահի խորհրդական) Վազգեն Սարգսյանը այցելում է Սևանա լիճ։ Լրագրողների և զինվորականների ներկայությամբ Սպարապետը մտնում է Սևանա լճի ջրերը, լողում է և, ափ դուրս գալով, ժպիտով ասում իր հայտնի խոսքերը. «Էլչիբեյին ասեք՝ ինքը չեկավ, բայց ես իր փոխարեն լողացի Սևանում»։ Այս դրվագը վայրկենապես տարածվեց բանակում և ժողովրդի մեջ՝ դառնալով հայկական կողմի վստահության և հումորի խորհրդանիշը ծանր պատերազմի տարիներին։#armenia #tiktok - @armlumen